Монгол Улсын Их Хурлын төлөөлөгчид ОУПХ-ны Ассамблейн 138 дугаар чуулганд оролцож байна
2018.03.26
Гадаад харилцаа

Монгол Улсын Их Хурлын төлөөлөгчид ОУПХ-ны Ассамблейн 138 дугаар чуулганд оролцож байна

УИХ-ын дэд дарга, Монголын парламентын бүлгийн гүйцэтгэх хорооны дарга Л.Энх-Амгалан тэргүүтэй Монгол Улсын Их Хурлын төлөөлөгчид Швейцарийн Холбооны Улсын Женев хотноо болж буй Олон Улсын Парламентын Холбооны Ассамблейн 138 дугаар чуулганд оролцож байна.

Төлөөлөгчдийн бүрэлдэхүүнд УИХ-ын гишүүн, МАН-ын бүлгийн дэд дарга Б.Саранчимэг, УИХ-ын гишүүн Л. Болд, О.Баасанхүү нар багтжээ.

Чуулганы үеэр манай төлөөлөгчид  Ази, Номхон далайн бүлгийн хуралдаанд оролцлоо. Уг бүлгийг Монгол Улс 2017 онд даргалсан бөгөөд энэ жил Микронезийн Холбооны Улс даргалж байна.

Монгол Улсын Их Хурлын дарга М.Энхболдын даргалсан 2017 оны гуравдугаар сарын хурлаар Монголын парламентын бүлгийн санаачилгаар Дүрэмдээ өөрчлөлт оруулж, баталсан юм. 

Энэ нь 2008 оноос хойш тус байгууллагын дүрэмд хийгдсэн анхны өөрчлөлт байжээ. “Уг өөрчлөлт үйл ажиллагааг сайжруулж, гишүүдийн оролцоог идэвхжүүлэхэд чухал ач холбогдолтой болсныг 2017 оны 10 дугаар сарын хуралд оролцогсдын тоо өмнөх хурлынхнаас гурав дахин буюу 150 хүрч нэмэгдсэнээс харж болно” хэмээн хуралдаан даргалагч албан ёсоор дурдаж, Монголын парламентад  баяр хүргэлээ.

Монголын парламентын бүлгээс ОУПХ-ны 4 байнгын хорооны нэг болох Ардчилал, хүний эрхийн байнгын хорооны товчооны гишүүнд УИХ-ын гишүүн Б.Саранчимэгийг нэр дэвшүүлэхээр санал нэгтэй шийдвэрлэжээ.

УИХ-ын дэд дарга Л.Энх-Амгалан тэргүүтэй төлөөлөгчид энэ өдөр ОУПХ-ныерөнхийлөгч, Мексик Улсын сенатын гишүүн, хатагтай Габриэла Куэваст бараалхсан байна.Энэ үеэр УИХ-ын дарга М.Энхболдын илгээлтийг хатагтай Габриэла Куэваст гардуулж, ОУПХ ба Монголын парламент хоорондын хамтын ажиллагааны өнөөгийн байдал, цаашдын зорилтын талаар санал солилцов. Түүнчлэн ОУПХ-ны шугамаар жил бүр зохиогддог Тогтвортой хөгжлийн зорилтуудын хэрэгжилтийн асуудлаарх Ази, Номхон далайн орнуудын парламентын бүсийн чуулганыг Монгол Улсад зохион байгуулах асуудлыг хөндөж ярилцсан байна.

УИХ-ын дэд дарга Л.Энх-Амгалан ОУПХ-ны Ассамблейн нэгдсэн хэлэлцүүлэгт үг хэлэхээс гадна улс орнуудын парламентын төлөөлөгчдийн тэргүүн нартай хоёр талын хэд хэдэн уулзалт хийхээр төлөвлөжээ.

ШИНЭ МЭДЭЭ

Чин ван Ханддоржийн нэрэмжит өндөр зэрэглэлийн шатарчдын тэмцээн зохион байгуулагдлаа 2019.12.21
УИХ-ын гишүүн Б.Саранчимэг хүүхдийн эрхийг зөрчиж буй хуулийн төслөөс нэрээ татжээ 2019.12.20
Б.Саранчимэг: Хуулийн төслөөс албан ёсоор нэрээ татсан 2019.12.20
УИХ-ын гишүүн Б.Саранчимэг "Шийдэмгий нүүдэл" номоо танилцууллаа 2019.12.19
А.Ундраа: Монгол Улс Үндэсний номын баярын өдөртэй болно 2019.12.12
“Жендэр ба хөгжил” нийслэлийн анхдугаар чуулган боллоо 2019.12.09
“Өсөлтийн менежмент ба Эмэгтэйчүүдийн манлайлал” арга хэмжээ зохион байгуулагдлаа 2019.12.06
Унаач хүүхдийн амь нас, эрүүл мэнд, аюулгүй байдалд учирч болохуйц эрсдэлийг бууруулна 2019.12.05
УИХ-ын гишүүн Б.Саранчимэг 55-р сургуульд Ногоон бэрс шатрын клубээ нээлээ 2019.12.03
“Ажлын байр - Дарамтгүй орчин” сэдэвт хэлэлцүүлэг боллоо 2019.11.19
Хүсэлт гаргасан хүүхэд бүрт мөнгөн тэтгэмж олгоход 13-36 тэрбум төгрөг шаардлагатай 2019.11.13
Ерөнхий боловсролын "Шавь" цогцолбор сургуулийн өргөтгөлийн барилгын нээлт боллоо 2019.11.08
БЗД-ийн 115-р цэцэрлэгт “Ногоон бэрс” шатрын клуб нээгдлээ 2019.11.07
Б.Саранчимэг: Агаарын бохирдлыг бууруулах ажилд зарцуулах хөрөнгийг тодруулна уу? 2019.11.05
Улсын Их Хурлын гишүүн Б.Саранчимэг, Б.Пүрэвдорж нарт баяр хүргэлээ 2019.11.05
Б.Саранчимэг гишүүн шатрын тэмцээнд эмэгтэй парламентчдаа тэргүүлжээ 2019.10.23
Монгол Улсын Их Хурлын төлөөлөгчид ОУПХ-ны 141 дүгээр ассамблейд оролцов 2019.10.18
Олон улсын парламентын холбоо Сербид чуулж байна 2019.10.15
УИХ-ын гишүүн Б.Саранчимэг иргэдийн асуудлыг шийдэхэд нийслэлтэй хамтарна 2019.09.13
Б.Саранчимэг:Үлдсэн долоон байрны асуудал ямар шатанд яваа вэ? 2019.09.12