МОНГОЛ УЛСЫН ИХ ХУРЛЫН ГИШҮҮН

Дэлхийн эрүүл мэндийн байгууллагын Номхон далайн баруун бүсийн 69 дүгээр чуулган эхэллээ
2018.10.09
Гадаад харилцаа

Дэлхийн эрүүл мэндийн байгууллагын Номхон далайн баруун бүсийн 69 дүгээр чуулган эхэллээ

Дэлхийн эрүүл мэндийн байгууллагын Номхон далайн баруун бүсийн 69 дүгээр чуулган өнөөдөр Манила хотноо эхэллээ.

Чуулганд Номхон далайн баруун бүсийн гишүүн 37 улсын Эрүүл мэндийн сайд тэргүүтэй төлөөлөгчид оролцож байгаа ба Монгол Улсын Засгийн газрыг төлөөлөн Эрүүл мэндийн сайд Д.Сарангэрэл тэргүүтэй төлөөлөгчид оролцож байна.

Чуулганы нээлтэнд ДЭМБ-ын Ерөнхий захирал Др.Тедрос Гебрейесус оролцож, үг хэлсэн. Тэрбээр хэлсэн үгэндээ дэлхий дахинд тулгамдаж буй нийгмийн эрүүл мэндийн асуудлуудыг шийдвэрлэх чиглэлээр өнгөрөгч нэг жилийн хугацаанд ДЭМБ-аас гаргасан тогтоол шийдвэр, авч хэрэгжүүлсэн нэлээдгүй арга хэмжээний талаар танилцуулсны дотор Дэлхийн эрүүл мэндийн ассамблейн 71 дүгээр чуулганы үеэр батлагдсан ДЭМБ-ын 2019-2023 оны үйл ажиллагааны 13 дугаар ерөнхий хөтөлбөрийг богино хугацаанд боловсруулж, ДЭМБ-ын төв, бүсийн хэмжээнд болон гишүүн улсуудаар хэлэлцүүлж батлуулсан нь үр дүнтэй болсон талаар цохон тэмдэглэв. Мөн тэрбээр, ДЭМБ-ын Номхон далайн баруун бүсийн захирлаар 2009 оноос хойш ажиллаж байгаа Др.Шин Ён-суд 10 жилийн хугацаанд дэлхий нийтийн болон бүс нутгийн хэмжээнд нийгмийн эрүүл мэндийн тулгамдсан асуудлуудыг шийдвэрлэхэд оруулсан хувь нэмрийг үнэлж, талархал илэрхийлээд түүнд ДЭМБ-ын Хүндэт медаль гардуулж өгөв.

ДЭМБ-ын Номхон далайн баруун бүсийн захирал Др.Шин Ён-су Бүсийн захирлаар ажилласан 10 жилийн хугацаанд хийсэн ажлынхаа товч тайланг танилцууллаа. Тэрбээр өнгөрсөн 10 жилийн хугацаанд Бүсийн улсуудын нийт хүн амын эрүүл мэндэд нилээдгүй ахиц гарсан, халдварт өвчинтэй тэмцэх чиглэлээр томоохон амжилтад хүрсэн бол халдварт бус өвчин тулгамдсан асуудал болсоор байгаа талаар цохон тэмдэглэв. Гэхдээ Бүсийн улс бүх нийтийн эрүүл мэндийн хамралтад хүрэх, ялангуяа эрүүл мэндийн тусламж үйлчилгээний чанар, хүртээмжийг сайжруулах, тамхидалт зэрэг ХБӨ-ий эрсдэлт хүчин зүйлсийн тархалтыг бууруулах чиглэлээр манлайлан ажиллаж байгааг цохон тэмдэглэв.

Энэ удаагийн Бүсийн чуулганы үеэр ДЭМБ-ын Номхон далайн баруун бүсийн захирлын 5 жил тутам болдог ээлжит сонгууль болж, шинэ Бүсийн захирлыг сонгох юм.

ШИНЭ МЭДЭЭ

2019 онд эрүүл мэндийн салбарынхан "Эерэг сэтгэл, Инээмсэглэл түгээе" уриан дор ажиллалаа 2019.12.31
Эрүүл мэндийн салбарынханд төрийн дээд шагнал гардууллаа 2019.12.31
Эрүүл мэндийн салбарынханд төрийн дээд шагнал гардууллаа 2019.12.30
Монгол Улсын Засгийн газар, АХБ-тай эрүүл мэндийн салбарт хөрөнгө оруулах 80 сая ам долларын гэрээ байгууллаа 2019.12.27
Хоёрдугаар төв эмнэлэг 349,478,305 воны үнэ бүхий тусламжийн эм хүлээн авлаа 2019.12.26
Хан-Уул дүүргийн нэгдсэн эмнэлэг 30 ортой хүүхдийн тасагтай боллоо 2019.12.25
Хан-Уул дүүргийн Нэгдсэн эмнэлгийн 30 ортой хүүхдийн тасаг ашиглалтанд орлоо 2019.12.24
"Цахим эрүүл мэндийн сургалтын төв"-ийн нээлт боллоо 2019.12.16
Алслагдсан сумдад түргэн тусламжийн автомашинууд хүлээлгэн өглөө 2019.12.13
Осельтамивир эмийг нийслэлийн хүүхдийн эмнэлэг, амаржих газрууд, ЭХЭМҮТ, ХӨСҮТ-д хүлээлгэн өглөө 2019.12.12
Эмзэг бүлгийн иргэдийн эрүүл мэндийн тусламж, үйлчилгээний хүртээмжийг сайжруулах хөрөнгө оруулалтын хөтөлбөр батлагдлаа 2019.12.09
“Нийслэлийн хүүхдийн шүд угаалтын аварга” шалгаруулах тэмцээн боллоо 2019.12.06
Д.Сарангэрэл: Эмэгтэйчүүдийн квотыг 30 хувь болгохгүй бол улс төрийн акц хийнэ 2019.12.06
БНХАУ-аас Монгол улсад суугаа элчин сайд Шин Хайманыг "ЭМЯ-ны хүндэт тэмдэг" -ээр шагналаа 2019.12.06
Эмэгтэйчүүдийн улс төрийн оролцоог дэмжих нь Монголын ардчилалын төлөвшилд онцгой чухал 2019.12.06
Эмзэг бүлгийн иргэдийн эрүүл мэндийн тусламж үйлчилгээний хүртээмжийг сайжруулах хөрөнгө оруулалтын хөтөлбөрийг хэлэлцэж баталлаа 2019.12.06
Эрүүл мэндийн салбарын хэмжлийн нэгдмэл байдлын тогтолцоо IV чуулган боллоо 2019.12.05
Хүүхдийн өндөр өртөгтэй мэс заслын ЭМД-с гарах зардлын хувийг нэмэгдүүлнэ 2019.12.05
Долоон хүний амь аварсан хоёр эмчийг Эрүүл мэндийн яамны жуухаар шагнаж, урамшууллаа 2019.12.05
Эмзэг бүлгийн иргэдэд зориулсан зээлийг арилжааны зориулалтаар ашиглахгүй гэв 2019.12.05