УИХ-ын гишүүн Л.Мөнхбаатар Үндсэн хуульд оруулах нэмэлт, өөрчлөлтийн төслийг тойргийн иргэддээ танилцууллаа
Монгол Улсын Үндсэн хуульд оруулах нэмэлт, өөрчлөлтийн төсөлд иргэд, олон нийтийн санал, зөвлөмжийг сонсох уулзалтыг Мөрөн сумын Нутгийн удирдлагын “Соёмбо” танхимд зохион байгууллаа.
Уулзалтад 1992 оны Үндсэн хуулийг батлалцсан Л.Дамдинсүрэн Н.Цэрэнхүү, М.Санжаа нар оролцож Үндсэн хуульд оруулах нэмэлт, өөрчлөлтийн төсөлд өөрсдийн санал бодлыг илэрхийлсэн.
Түүнчлэн иргэдийн зүгээс тосгоныг засаг захиргааны нэгж болон хот болгох, сум, дүүргийн иргэдийн Төлөөлөгчдийн Хурлын үүрэг, эрх мэдлийг тодорхой болгох, аймаг, нийслэлийн хурлыг байгуулах зохицуулалтыг нарийвчлах, Улсын Их Хурлын гишүүний насны доод хязгаарыг 35 болгох, Улсын Их Хурлын гишүүдийн хариуцлага ёс зүйг тодорхой болгох, баялгийг тэгш хуваарилах, эрх мэдлийн хуваарилалтыг оновчтой болгох, Төрийн сүлдийг өөрчлөх зэрэг олон саналуудыг дэвшүүлж байсан юм.
Мөрөн сумын иргэд уулзалтад идэвхтэй оролцож, уузалтад оролцсон иргэдийн олонхи Үндсэн хуульд оруулах нэмэлт, өөрчлөлтийн төслийг дэмжиж байгаагаа илэрхийлж 20 орчим хүн асуулт асууж, санал хэлсэн бөгөөд бичгээр 30 гаруй санал өглөө.
ШИНЭ МЭДЭЭ
