Замын-Үүд боомтын шинэчлэл, барилгын байгууламж, дэд бүтцийн барилга угсралтын ажлын шав тавих ёслол боллоо
2019.09.13
Эдийн засаг, Худалдаа

Замын-Үүд боомтын шинэчлэл, барилгын байгууламж, дэд бүтцийн барилга угсралтын ажлын шав тавих ёслол боллоо

Замын-Үүд боомтын шинэчлэл, барилгын байгууламж, дэд бүтцийн барилга угсралтын ажлын шав тавих ёслол Замын-Үүд боомтод 2019 оны 09 дүгээр сарын 12-ны өдөр боллоо. УИХ-ын гишүүн Б.Дэлгэрсайхан, Сангийн яамны Төрийн нарийн бичгийн дарга С.Наранцогт, БНХАУ-ын Элчин сайдын яамны худалдаа эдийн засгийн зөвлөх Сун Шюэжунь болон Гаалийн Ерөнхий газар, аймаг орон нутгийн удирдлага, Хилийн байгууллага, зөвлөх болон гүйцэтгэгч компанийн удирдлага, төлөөлөл оролцлоо.

Монгол Улсын Засгийн газраас хэрэгжүүлж буй Гаалийн шинэчлэлийн хүрээнд Замын-Үүд боомтыг олон улсын жишигт нийцүүлэн шинээр барих, хүчин чадлыг нэмэгдүүлэх, өргөтгөх төсөл хэрэгжиж эхлээд байна. Энэхүү төсөл нь БНХАУ-Монгол улсын хооронд дипломат харилцаа тогтоосон 70 жилийн ойд хэрэгжиж байгаа нь чухал ач холбогдолтой. 

Манай улсын хамгийн том хилийн боомт болох Замын-Үүд нь өдөрт дунджаар хоёр мянган зорчигч нэвтрүүлэх хүчин чадалтайгаар 1996 онд ашиглалтад орсон байсан. Тухайн цаг үетэй харьцуулбал өнөөдөр Монгол улсын эдийн засаг 10 дахин тэлэхийн сацуу хөрш орнуудын хамтын ажиллагаа шинэ шатанд гарч, худалдаа, эдийн засгийн эрх тэгш түнш болсныг энд тодотгож, энэхүү боомтыг өргөтгөн шинэчлэх зайлшгүй шаардлага бий болсон.

Иймд 2018 онд Монгол улсын Ерөнхий сайд БНХАУ-д хийсэн албан айлчлалын хүрээнд БНХАУ-аас Монгол улсад олгож буй буцалтгүй тусламжийн хөрөнгөөр Замын-Үүд боомтыг шинэчлэх тухай хэлэлцээрийг хоёр улсын Засгийн газар хооронд байгуулсан нь өнөөдөр ийнхүү бодит биелэлээ олж, ажил хэрэг болж байна. Энэхүү төслийг БНХАУ-ын 201 сая юань буюу /75 тэрбум төгрөгийн/ буцалтгүй тусламжаар санхүүжүүлж байгаа ба Олон улсын стандартад нийцсэн зорчигч тээвэр, ачаа тээврийн барилга, дэд бүтэц, ногоон байгууламж бүхий цогцолбор болох юм.

Замын-Үүд боомтын шинэчлэлээр нийт талбай 8 дахин, өдөрт нэвтрэх зорчигчийн тоо 4 дахин, том оврын ачаа тээврийн хэрэгслийн тоо 3 дахин, суудлын тээврийн хэрэгслийн тоо 7 дахин нэмэгдэж, зорчигч, тээврийн хэрэгсэл хилийн боомтоор түргэн шуурхай нэвтрэн, ая тухтай үйлчлүүлэх боломж бүрдэж, Монгол Улсын гадаад худалдаа өргөжиж, эдийн засгийн хөгжилд томоохон нөлөө үзүүлэх юм.

ШИНЭ МЭДЭЭ

Б.Дэлгэрсайхан: Үйл ажиллаагаа явуулж буй компаниудыг ялгаварлан гадуурхах ёсгүй 2020.12.31
Сайншанд сумын 25900 иргэнд зөвлөмж хүргүүллээ 2020.12.30
Дорноговь аймагт 2021 онд Нефтийн үйлдвэрийн барилга байгууламж эрчимжинэ 2020.12.25
Б.Дэлгэрсайхан: АТГ-ын дэд даргыг Засгийн газар сонгох хэрэгтэй 2020.12.24
Монгол улс эдийн засгийн хямралт нөхцөлийн түвшинд хүргэхэд ойрхон байна 2020.12.24
УИХ-ын гишүүн Б.Дэлгэрсайхан, Т.Энхтүвшин нар элчин сайд Цай Вэнь Руйтай албан уулзалт хийлээ 2020.12.23
Б.Дэлгэрсайхан: Цар тахлын цаг үед худал мэдээлэл маш их хор хохирол учруулах аюултай 2020.12.23
УИХ-ын гишүүн Б.Дэлгэрсайхан, Т.Энхтүвшин нар тойрогтоо ажиллаж байна 2020.12.21
Б.Дэлгэрсайхан: Жинхэнэ аялал жуулчлал бол хил орчмын 24 цагийн жуулчид 2020.12.18
ХЗБХ: УИХ-ын гишүүн С.Бямбацогт хууль, тогтоомжийг 2024 он хүртэл боловсронгуй болгох ажлын хэсгийг ахална 2020.12.15
Дорноговь аймгийн сумдын засаг дарга нартай цахим хурал хийлээ 2020.12.15
ХЗБХ: 2024 он хүртэл боловсронгуй болгоно 2020.12.09
ХЗБХ: Авлигын эсрэг хуульд өөрчлөлт оруулах тухай хуулийн төслийг хэлэлцэхийг дэмжлээ 2020.12.09
Б.Дэлгэрсайхан: Эрх үүргээ булаацалддаг ойлгомжгүй байдлыг цэгцэлсэн хуулийн төсөл байна 2020.12.08
Дорноговь аймгийн Өргөн сумын зорилтот өрхүүдэд түлшний тусламж үзүүллээ 2020.12.08
Замын-Үүд сумын Нэгдсэн эмнэлэгт дэмжлэг үзүүллээ 2020.12.07
Дорноговь аймгийн Өргөн, Эрдэнэ, Айраг, Даланжаргалан сумын 90 өрхөд тусламж үзүүллээ 2020.12.01
Дорноговь аймгийн сумдын зорилтот өрхийн иргэдэд дэмжлэг үзүүллээ 2020.11.30
Ипотекийн зээлийн эргэн төлөлтийг ирэх оны 7-р сарын 1 хүртэл сунгалаа 2020.11.25
КОВАКС механизмын вакциныг Дэлхийн банкны санхүүжилтээр худалдан авахаар төлөвлөж байна 2020.11.25