МОНГОЛ УЛСЫН ИХ ХУРЛЫН ГИШҮҮН

Ё.Баатарбилэг: Сургууль, цэцэрлэгийн хориог сунгах эсэх саналаа баасан гарагт УОК-т хүргүүлнэ
2020.03.18
Боловсрол, Соёл, Шинжлэх Ухаан, Урлаг

Ё.Баатарбилэг: Сургууль, цэцэрлэгийн хориог сунгах эсэх саналаа баасан гарагт УОК-т хүргүүлнэ

БСШУС-ын сайд Ё.Баатарбилэг цэцэрлэг, сургууль, их, дээд сургуулийн үйл ажиллагааг үргэлжлүүлэх эсэх болон АШУҮИС-ийн сургалтын эмнэлэгтэй холбоотой мэдээлэл хийлээ.

Тэрбээр “Өнөөдөр Засгийн газрын хуралдаанаар АШУҮИС-ийн дэргэдэх сургалтын эмнэлгийн асуудлыг ярилцлаа. Энэ эмнэлгийн тоног төхөөрөмжийг шийдэх, цаашид үйл ажиллагаа явуулах төсөв мөнгийг гаргах асуудлыг цогцоор нь шийдсэн. Энэ эмнэлгийг хувьчлах, хаах тухай мэдээлэл сүүлийн хэдэн өдөр хэвлэлээр маш их явлаа. Тийм зүйл байхгүй. Өнөдрөөс манай яамны харьяанд шилжүүлж өгч байгаа.  Маргааш, нөгөөдрөөс ажлын хэсэг гаргаж, энэ эмнэлгийн асуудалтай танилцана.  Цаашид үйл ажиллагааг нь хэвийн үргэлжилнэ.

Техник, тоног төхөөрөмж дутагдалтай байгааг Дэлхийн банкны хөрөнгө оруулалтаар Сангийн яамнаас төсөв мөнгө гаргаж,  шийдэхээр болж байна. Цаашид үйл ажиллагааг нь хэвийн явуулах асуудлыг хариуцаж ажиллах болно.  Энэ эмнэлгийг бодит хүчин чадлаар нь ажиллуулах шаардлагатай 14 тэрбум төгрөгийг шийдсэн.

Сургууль, цэцэрлэгийн үйл ажиллагааг хэвийн үргэлжлүүлэх асуудлаар бид эрүүл мэнд хариуцсан газруудад хандсан.  Ирэх 5 дахь өдөр УОК-т санал оруулна. Эрүүл мэндийн байгууллагын саналыг үндэслээд асуудлаа шийднэ, саналаа УОК-т хүргэнэ.  Энэ сарын 30-аар сургууль, цэцэрлэгийн үйл ажиллагааг эхлүүлэх ёстой. Тиймээс дахиад хэд хоног харна.  Наанадаж 7 хоногийн өмнө асуудлаа шийдэх чиглэлээр саналаа боловсруулж орох юм. Эрүүл мэндийн яам энэ асуудлыг шийдэхгүй.  УОК шийднэ.  Гэхдээ эрүүл мэндийн байгууллагын саналыг харна.

Хэрвээ сунгана гэвэл ингэнэ, сунгахгүй гэвэл ингэж шийднэ. Сунгахаар болохоор  болбол ариутгал, халдваргүйтлийг сайн хийнэ. Гэхдээ эцэслэж шийдвэр одоогоор гараагүй. Эцэг, эхчүүд, иргэдээс өвчин илрээгүй байхад сургууль, цэцэрлэгийн үйл ажиллагааг зогсоосон. 

Илэрчихсэн үед сургууль, цэцэрлэгийн үйл ажилллагааг хэвийн үргэлжлүүлж болохгүй гэсэн санал ч ирж байгаа.  Сургууль, цэцэрлэгийнхээ үйл ажиллагааг хэвийн үргэлжлүүл гэсэн санал ч ирсэн. Бид нөхцөл байдлыг харгалзаж үзэж л асуудлаа шийднэ” хэмээлээ.

ШИНЭ МЭДЭЭ