2020.05.29
Гадаад харилцаа
ЭМ-ийн сайд ДЭМБ-ын хуралд урилгаар оролцжээ
Эрүүл мэндийн яамнаас коронавирусын тархалттай холбоотой асуудлаар ээлжит мэдээллээ хийлээ. Тс яамны Тандалт, шуурхай удирдлагын газрын дарга Д.Нарангэрэл: “Covid-19 халдвар дэлхийн 216 улс орон, бүс нутагт тархаж, 5.876 сая хүн өвчилж, 360 мянган хүн нас барж, 2.5 сая хүн эдгэж, 2.9 сая хүн эмчлүүлж байна.
ОХУ-д гарч байгаа өвчлөлийн ихэнх нь Москвад бүртгэгдэж байна. Нэг хүн хоёр өдрийн хугацаанд нэг удаа дэлгүүр, эмийн сан орох эрхтэйгээр зохицуулалт хийлээ. Манай улсад өчигдөр /2020.5.28/ 289 хүн ажиглалтад шинээр орж, 1908 хүн яг одоо ажиглалтад байна.
ЗӨСҮТ-ийн баг ОХУ-аас ирсэн 230 зорчигчийн 690 ачаа тээшинд халдваргүйтгэл хийсэн. Сүүлийн 24 цагт 119 дугаарын утсанд 448 дуудлага, шуурхай аппликейшинд 17 хүн холбогдон мэдээлэл авсан. Мөн өчигдөр ДЭМБ-ын онлайн хуралд Д.Сарангэрэл сайд оролцож туршлагаасаа хуваалцлаа. Манай улс дэлхийн улс орнуудын эрүүл мэндийн сайд нарын уг онлайн хуралд урилгаар оролцож байгааг та бүхэн мэдэж байгаа” гэж мэдээлсэн юм.
