2020.08.17
Эдийн засаг, Худалдаа
Д.Ганбат: Цар тахлын үед хамгийн нэгдүгээрт Монгол хүн л байх ёстой
УИХ-ын чуулганы өнөөдрийн \2020.08.17\ нэгдсэн хуралдаанаар Монгол Улсын 2020 оны төсвийн тухай хуульд өөрчлөлт оруулах тухай, Нийгмийн даатгалын сангийн 2020 оны төсвийн тухай хуульд өөрчлөлт оруулах тухай, Эрүүл мэндийн даатгалын сангийн 2020 оны төсвийн тухай хуульд өөрчлөлт оруулах тухай хуулийн төслүүдтэй хамт өргөн мэдүүлсэн хуулийн төслүүдийг хэлэлцэж байна.
Хуулийн төслүүдтэй холбоотойгоор УИХ-ын гишүүд асуулт асууж байна.
УИХ-ын гишүүн Д.Ганбат:
“Төсвийн тодотголыг эрт хийх ёстой байсан. Гэвч хүнд байдалд орсон хойно нь арга хэмжээ авч байна. Энэ тодотголыг иргэд хараад арай ч дээ л гэж харж байгаа. Болж бүтэж байгааг хэлбэл тун цөөн байна. Ажилгүйдэл, ядуурал гэж ярьдаг болжээ. Энэ дунд дундаж давхарга орхигдоод байна.
Ипотекийн зээлийг ядаж 5% аваачмаар байна. Олон ашиггүй төрийн компаниудыг хувьчил, авах ёстой татвар ашгаа авах хэрэгтэй.
Шаардлагагүй хөшөө музей барьж, олон хүн эрүүл мэндээр хохирч байна. Үүний хариуцлагыг хэн хүлээх вэ?
Цар тахлын үед хамгийн нэгдүгээрт Монгол хүн л байх ёстой. Элдэв цалин хөлсөө багасга, аж ахуй нэгж, дундаж давхаргаа жаахан дэмжмээр байна. Сүүлийн 30 жилд байгаагүй алдагдалтай тьөсөв батлах гэж байна. Валютын ханш, инфляц явж өгөх л байх даа.
Баянхонгор аймагт гантай байлаа. Энэ Засгийн газар, төсвийн тодотголоор хаана хэцүү хүнд байна түүнд хүрэх ёстой. Манай аймагт өвөлжилт хүндрэх төлөвтэй байга. Малын тэжээл өвсийг хэрхэн бэлтгэх вэ?
Гадаадад байгаа иргэдээ маш удаан татаж байна. Авлига өгч авч татаж байгаагаа манай гишүүдэд ирсэн бичиг сэлт байгаа гэсэн.”
Түүний асуултад Сангийн сайд Ч.Хүрэлбаатар хариуллаа.
ШИНЭ МЭДЭЭ
![](http://img.youtube.com/vi/UvVcpxm94ww/hqdefault.jpg)
Д.Ганбат:Та нар хариуцлага алдсан
2021.04.29