2020.10.29
Эдийн засаг, Худалдаа

С.Ганбаатар: Мөнгөний бодлогоо бусад бодлогуудтайгаа уялдуулаарай

УИХ-ын чуулганы өнөөдрийн /2020.10.29/ нэгдсэн хуралдаанаар Засгийн газраас 2020 оны 09 дүгээр сарын 25-ны өдөр өргөн мэдүүлсэн “Төрөөс мөнгөний бодлогын талаар 2021 онд баримтлах үндсэн чиглэл батлах тухай” Улсын Их Хурлын тогтоолын төслийн анхны хэлэлцүүлгийг хийлээ.

Тогтоолын төсөлтэй холбогдуулан УИХ-ын гишүүд асуулт асууж, санал хэллээ. 

УИХ-ын гишүүн С.Ганбаатар: 

"Монголбанк үндэсний мөнгөн тэмдэгт төгрөгийн тогтвортой байдлыг хангахад бэрхшээлтэй зүйлүүд байна. Монголбанкнаас үл хамаарах олон хүчин зүйлс нөлөөлдөг. Тэдгээрийнхээ уялдааг сайн хангаарай. Ажлын байр, үйлдвэржилт, импорт, экспортын бодлого, хөдөлмөр эрхлэлтийн бодлого зэргийг мөнгөний бодлоготойгоо уялдуулаарай.

- Төгрөгийн тогтвортой байдал, худалдан авах чадварыг тогтвортой байлгах чиглэлд анхаарсан байна.

- Эдийн засгийн тэнцвэржилт гэж үг байна. Солонгоруулах тал дээрээ өнгөц оруулж иржээ.

Энэ жилийн үндсэн чиглэл өмнөх жилүүдийнхээс сайн боловсруулсан байна гэж үзэж байна."

ШИНЭ МЭДЭЭ