МОНГОЛ УЛСЫН ИХ ХУРЛЫН ГИШҮҮН

2020.12.16
Улстөр

Ж.Ганбаатар: ААН-үүдийг орон нутагтаа хөгжих боломжийг олгож өгөх хэрэгтэй

Төрийн байгуулалтын байнгын хорооны хуралдаан өнөөдөр /2020.12.16/ Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төсөл болон хамт өргөн мэдүүлсэн хууль, Улсын Их Хурлын тогтоолын төслүүд /Улсын Их Хурлын гишүүн Д.Тогтохсүрэн нарын 8 гишүүн 2020.04.22-ны өдөр өргөн мэдүүлсэн, эцсийн хэлэлцүүлэг/;-ийг хэлэлцлээ.

Хуулийн төслийн хэлэлцүүлгийн үеэр ажлын хэсэг болон байнгын хорооны дүгнэлттэй холбоотойгоор УИХ-ын гишүүд асуулт асууж, санал хэллээ.

УИХ-ын гишүүн Ж.Ганбаатар:

Би ерөнхийд нь дэмжиж байгаа. Хууль 2022 оны 1-р сарын 1-ээс хэрэгжээд ААН-ийн орлогын албан татварын 40 хувийг өөртөө төвлөрүүлэх боломжтой болж байгаа. Сангийн яам, Татварын Ерөнхий газруудад хандаад хэлэхэд ААН-үүд жаахан хөрөнгөжөөд ирэхээр Нийслэлийн татвар руу аваад явчихдаг.

Уг нь зарчим ямар байх ёстой гэвэл хаанаас орлогоо төвлөрүүлж байна тэр газраа татвараа төлөх ёстой. Тэгэхээр үүнийг өөрчлөхгүй бол хийсвэр юм болчихно шүү. ААН-ийг тодорхой болгоод ирэхээр нь том татвар төлөгчдийг Нийслэлд төвлөрүүлдэг. Эсвэл Улсын татвар авчихна. Үүнийг анхаараарай. Орон нутагт нь хөгжих боломжийг нь олгож өгөөрэй л гэсэн санал хэлж байна. 

ШИНЭ МЭДЭЭ