МОНГОЛ УЛСЫН ИХ ХУРЛЫН ГИШҮҮН

ТББХ: Ерөнхийлөгчийн тухай хуулийн төслийн Ажлын хэсгийн ахлагчаар Н.Энхболдыг томиллоо
2021.01.12
Улстөр

ТББХ: Ерөнхийлөгчийн тухай хуулийн төслийн Ажлын хэсгийн ахлагчаар Н.Энхболдыг томиллоо

Улсын Их Хурлын Төрийн байгуулалтын байнгын хорооны өнөөдрийн /2021.01.12/ хуралдаан 11 цаг 05 минутад ирц бүрдсэнээр эхэлж, Монгол Улсын Ерөнхийлөгчийн тухай хуулийн төслийн шинэчилсэн найруулгын төслийг боловсруулах үүрэг бүхий Ажлын хэсэг байгуулах гэсэн асуудлыг шийдвэрлэлээ. 

Байнгын хорооны хуралдааны төгсгөлд Монгол Улсын Ерөнхийлөгчийн тухай хуулийн төслийн шинэчилсэн найруулгын төслийг боловсруулах үүрэг бүхий Ажлын хэсгийг байгуулах Байнгын хорооны тогтоолын төслийг батлах тухай асуудлыг хэлэлцлээ.

Ажлын хэсгийн ахлагчаар Улсын Их Хурлын гишүүн Н.Энхболд, гишүүдэд Улсын Их Хурлын гишүүн Ё.Баатарбилэг, Ж.Ганбаатар, Ц.Мөнх-Оргил, Б.Пүрэвдорж нарын бүрэлдэхүүнтэй байгуулах тогтоолын төслийг гишүүдийн 53.3 хувийн саналаар дэмжиж, тогтоол батлагдлаа. Ажлын хэсэгт хуулийн төслийг 2021 оны 3 дугаар сарын 15-ны өдрийн дотор боловсруулж, УИХ-д өргөн мэдүүлэхийг Байнгын хорооны тогтоолоор даалгалаа.

ШИНЭ МЭДЭЭ