2021.01.27
Батлан хамгаалах, Аюулгүй байдал
Г.Дамдинням: Жижиг, дунд үйлдвэрлэл эрхэлдэг байгууллагуудын зээлийн асуудалд анхаарах хэрэгтэй
УИХ-ын чуулганы өнөөдрийн \2021.01.27\ нэгдсэн хуралдаанаар Ковид19-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төслийг хэлэлцэж байна.
Хэлэлцэж байгаа асуудалтай холбогдуулан гишүүд асуулт асууж, хариулт авлаа.
УИХ-ын гишүүн Г.Дамдинням:
Зөөллөх, хөнгөлөх чиглэлд 3 хуулийн төсөл орж ирж байна. Саяхан УИХ-ын 22 гишүүн УИХ-ын даргад тогтоолын төсөл гаргасан. Үүнийг хуулиудтай хамтатгаад хэлэлцэж өгөөч. Жижиг, дунд үйлдвэрлэл эрхлэдэг 50 гаруй мянган иргэд зээлийнхээ хүүг төлөөд явж байгаа.
Төр жижиг, дунд үйлдвэрлэл эрхэлдэг байгууллагуудыг дампуурлаас аврах, халамж, тэтгэмж өгөх 2 чиглэлд анхаарч байгаа. Хуулийн төсөл санаачлагчид жижиг дунд үйлдвэрлэл эрхлэгчдийн зээлийн хүүг хөнгөлөх, хугацааг нь хойшлуулах хуулийн төслийг өргөн барьсан. Энэ хуулиндаа нэгтгээд явах хүсэлтэй байна.
УИХ-ын гишүүн Ж.Сүхбаатар:
Энд 3 хуулийн төсөл явж байна. Их хурлын гишүүд дураараа хуулийн төсөл санаачлаад байгаа юм биш. Иргэдийн гомдол дээр тулгуурлаад Санхүүгийн зохицуулах хороо энэ хуулийн төслийн суурийг бэлтгэсэн. Монголын төр иргэдийнхээ төлөө Ковидын үед шийдэмгий гаргах хэрэгтэй.
УИХ-ын дарга Г.Занданшатар:
Нэр бүхий 22 гишүүний өргөн мэдүүлсэн Тогтоолын төслийг хэлэлцээд явах боломжтой гэж үзэж байна.
ШИНЭ МЭДЭЭ
![](https://vip76.mn/media/news/106x106/2021/12/27/28dd2c7955ce926456240b2ff0100bde1.jpg)
Төрийн дээд одон медалиар энгэрээ мялаалаа
2021.12.27
![](https://vip76.mn/media/news/106x106/2021/12/22/a5771bce93e200c36f7cd9dfd0e5deaa1.jpg)
![](https://vip76.mn/media/news/106x106/2021/12/20/426eb196904010a1676e217a88f430de.jpg)
![](http://img.youtube.com/vi/76yyLuRRcQo/hqdefault.jpg)
![](https://vip76.mn/media/news/106x106/2021/11/17/f899139df5e1059396431415e770c6dd.jpg)
Дарханы гэрэлтүүлгийн ажил явагдана
2021.11.17
![](https://vip76.mn/media/news/106x106/2021/11/15/71b68ba533cc9f788aef7f9dac1f3f88.jpg)
Дарханд 51 бүтээн байгуулалт өрнөнө
2021.11.15