Х.НЯМБААТАР: Далд уурхайн зардал хэтэрсэн бодит шалтгааныг "Рио Тинто" нуун дарагдуулсан
2021.03.26
Уул уурхай, Ашигт малтмал

Х.НЯМБААТАР: Далд уурхайн зардал хэтэрсэн бодит шалтгааныг "Рио Тинто" нуун дарагдуулсан

Хууль зүй, дотоод хэргийн сайд Х.Нямбаатар болон Оюутолгой ордын ашиглалтад Монгол Улсын эрх ашгийг хангуулах тухай УИХ-ын тогтоолын дагуу Засгийн газраас байгуулагдсан Ажлын хэсгийн гишүүн, ЗГХЭГ-ын Гадаад төсөл, хамтын ажиллагаа эрхэлсэн дэд дарга Б.Солонго нар "Рио Тинто" компанитай холбоотой асуудлаар мэдээлэл өглөө. 

Хууль зүй, дотоод хэргийн сайд Х.Нямбаатар "Рио Тинто компанийн жижиг хувьцаа эзэмшигчид АНУ-ын Нью-Йорк мужийн шүүхэд нэхэмжлэл гаргасан байгаа.  Энэхүү нэхэмжлэлд "Оюу толгой" төсөлд ажиллаж байсан нэр бүхий 12 ажилтныг гэрчийн мэдүүлэг өгүүлж, далд уурхайн зардал хэтэрсэн бодит шалтгааныг "Рио Тинто" нуун дарагдуулсан гэх асуудлыг хөндөж тавьсан байна. Зарим гэрчийн өгсөн мэдүүлэг нэлээд хатуу байсан. Тухайлбал, 2012 оноос хойш "Рио Тинто" компани "Оюу толгой" төслийн геологи, геотехнологийн нөхцөл байдлыг сайн мэдэж байсан. Геологийн хүндрэл гэдэг бол худал яриа юм гэсэн мэдүүлэг өгсөн.

Энэ асуудалтай холбогдуулан хөрөнгө оруулагчдад хувьцааны ханшид нөлөөлж болзошгүй мэдээллийг цаг тухайд нь өгөөгүй, нуун дарагдуулсан, Үнэт цаасны хорооны холбогдох журмыг зөрчсөн байж болзошгүй гэх асуудлаар АНУ-ын Үнэт цаасны зохицуулах хороо, Их Британийн Санхүүгийн зах зээлийн алба болон Санхүүгийн ноцтой гэмт хэргийн албанаас хяналт шалгалтын ажлыг эхлүүлсэн. Энэ мэдээллийг бид мөн авсан.

Засгийн газар эдгээр байгууллагатай хамтран ажиллаж, харилцан мэдээлэл солилцон ажиллаж байна. Үүнтэй холбоотойгоор далд уурхайн бүтээн байгуулалтын зардал хөрөнгө оруулагчийн алдаатай үйл ажиллагаанаас болж өссөн тохиолдолд бид хөрөнгө оруулагчийн талтай хэлэлцээрийн шатанд дараагийн хариуцлагын асуудлыг хөндөж тавих нөхцөл байдал үүсчихэд байна. Ирэх долоо хоногт Засгийн газар ээлжит бусаар хуралдаж, "Рио Тинто"-ийн төлөөлөлтэй УИХ-ын 92 дугаар тогтоолыг хэрэгжүүлэх ажлын хэсэг хэлэлцээрээ эхлүүлэх гэж байгаа. 
Ирэх долоо хоногийн эхээр Засгийн газрын ээлжит бус хуралдааныг зарлан хуралдуулах саналыг Ерөнхий сайдад танилцуулах гэж байна.  "Оюу толгой" төсөл бол уул уурхайн маш том төсөл, Монголын хөрөнгө оруулалтын том толь, дэлхийн уул уурхайн хамгийн том технологийг хэрэгжүүлж буй төсөл гэдэгтэй ажлын хэсэг 100 хувь санал нэгдэж ирсэн. Цаашид энэ төслийг хэрхэн үргэлжүүлэх нь хэлэлцээрийн үр дүнгээс ихээхэн шалтгаална" гэлээ.

Х.НЯМБААТАР: Далд уурхайн зардал хэтэрсэн бодит шалтгааныг "Рио Тинто" нуун дарагдуулсан

ШИНЭ МЭДЭЭ

Гэмт хэрэг, зөрчлөөс урьдчилан сэргийлэх тухай хуулийн төслийг хэлэлцлээ 2021.12.30
Х.Нямбаатар: Далд уурхай ямар санхүүжилтээр явах вэ? 2021.12.28
Х.Нямбаатар: Өр тэглэх, Дубайн гэрээг цуцлах, эрчим хүчээр хангах асуудал энэ ондоо багтаад шийдэгдэнэ 2021.12.23
“Оюу толгой ордоос Монгол Улсын хүртэх үр ашгийг хангуулах тухай” УИХ-ын тогтоолын төслийг өргөн барив 2021.12.22
Х.Нямбаатар: Ч.Сайханбилэг Ерөнхий сайд ч Монголын төлөө цохилох зүрхтэй ажилласан 2021.12.22
Х.Нямбаатар: Хувь хүний орон зайд камер байршуулахыг хориглоно 2021.12.17
Кибер орчин дахь мэдээллийн нууцлагдсан байдлыг хангах боломжтой боллоо 2021.12.17
Х.Нямбаатар: Эдийн засгийн хөгжлийг дэмжсэн эрх зүйн шинэтгэлд анхаарал хандуулна 2021.12.16
Х.Нямбаатар: Цаашдаа Монголын төрд өр үүсэхгүй гэдгийг захидлаар илэрхийлсэн 2021.12.16
Орчин цагийн хууль зүйн алба үүсэж хөгжсөний 110 жилийн ой тохиож байна 2021.12.16
НББХ: Тамхины хяналтын тухай хуульд нэмэлт оруулах тухай хуулийн төслийг төсөл санаачлагч нь буцаан татав 2021.12.14
Иргэд, аж ахуйн нэгж, байгууллагад чиглэсэн хяналт шалгалтыг 50 хувиар бууруулна 2021.12.14
Сонгинохайрхан дүүрэгт 300 тэрбум төгрөгийн бүтээн байгуулалтын ажил хийгдэнэ 2021.12.09
“Хууль зүйн салбарын одоо ба ирээдүй: асуудал, шийдэл” сэдэвт эрдэм шинжилгээний хурал боллоо 2021.12.03
Х.Нямбаатар: Хэлэлцээр зогссон гэдэг худал мэдээлэл 2021.12.01
ХЗДХ-ийн сайдын нэрэмжит уралдааны шилдгүүдэд шагнал гардууллаа 2021.11.29
Холбооны эрх зүйн байдлын тухай хуулийн төслийг өргөн барилаа 2021.11.24
Сангийн эрх зүйн байдлын тухай хуулийн төсөл өргөн барилаа 2021.11.24
Оюутолгой төсөл Монголд үр өгөөжтэй байх ёстой гэсэн байр суурь өөрчлөгдөөгүй гэдгээ Ерөнхий сайд дахин илэрхийллээ 2021.11.23
Монгол Улсын Хууль зүйн анхны нэвтэрхий толь: Эрэлт хэрэгцээ, зорилго, агуулга, ач холбогдол 2021.11.19