Гэрээ соёрхон батлах тухай хуулийн төслийг дэмжлээ
2021.10.14
Батлан хамгаалах, Аюулгүй байдал

Гэрээ соёрхон батлах тухай хуулийн төслийг дэмжлээ

Хуралдааны төгсгөлд Засгийн газраас энэ сарын 06-ны өдөр өргөн мэдүүлсэн Цөмийн зэвсгийг хориглох тухай гэрээг соёрхон батлах тухай хуулийн төслийн зөвшилцөх, хэлэлцэх асуудлыг хэлэлцэв.

Энэ талаарх хууль санаачлагчийн илтгэлийг Засгийн газрын гишүүн, Батлан хамгаалахын сайд Г.Сайханбаяр танилцуулсан юм.

Монгол Улсын аюулгүй байдлыг улс төр, дипломатын аргаар хангах тухай гадаад бодлогын зорилтыг хэрэгжүүлэх хүрээнд манай улс нутаг дэвсгэрээ цөмийн зэвсэггүй статустай хэмээн 1992 онд НҮБ-ын Ерөнхий Ассамблейн 47 дугаар чуулганы үеэр зарласан. Мөн Цөмийн зэвсгийг үл дэлгэрүүлэх тухай гэрээг 1969 онд, Цөмийн туршилтыг бүрэн хориглох тухай гэрээг 1997 онд тус тус соёрхон баталсан билээ. 

НҮБ-ын Ерөнхий Ассамблейн тогтоолын дагуу зохион байгуулагдсан 2017 оны долоодугаар сарын 07-ны өдрийн Бага хурлын үр дүнд Цөмийн зэвсгийг хориглох тухай гэрээний төслийг гишүүн улсууд баталжээ. Уг гэрээ нь 2021 оны нэгдүгээр сарын 22-ны өдрөөс эхлэн хүчин төгөлдөр үйлчилж эхэлсэн байна. Энэ оны аравдугаар сарын байдлаар 86 улс гэрээнд гарын үсэг зурж, 56 улс гэрээг соёрхон батлаад байгаа аж.

Энэхүү гэрээгээр цөмийн зэвсэг, эсхүл цөмийн аливаа төрлийн тэсрэх төхөөрөмжийг хөгжүүлэх, турших, үйлдвэрлэх, бэлдэх болон өөр бусад хэлбэрээр худалдаж авах, эзэмших, хадгалах, цөмийн зэвсгийг боловсруулахад дэмжлэг үзүүлэх, өөрийн газар нутаг дээр байршуулах, суурилуулахыг гэрээний Оролцогч улс бүрт хоригложээ.  

Манай улс энэхүү гэрээг соёрхон баталснаараа цөмийн зэвсгийг хураах, үл дэлгэрүүлэх чиглэлээр баримталж ирсэн байр сууриа бататгах, энэ чиглэлийн яриа хэлэлцээ, олон улсын хурал, арга хэмжээнд идэвхтэй оролцоход чухал ач холбогдолтойг сайд илтгэлдээ онцлов.

Хэлэлцэж буй асуудал, сайдын танилцуулгатай холбогдуулан Улсын Их Хурлын гишүүн Ш.Адъшаа, Д.Ганбат нар ажлын хэсгээс асуулт асууж тодруулан Улсын Их Хурлын гишүүн Ш.Адъшаа үг хэлж байр сууриа илэрхийлсэн юм. Ингээд санал хураалт явуулахад Байнгын хорооны хуралдаанд оролцсон гишүүдийн 81.8 хувь нь Цөмийн зэвсгийг хориглох тухай гэрээг соёрхон батлах тухай хуулийн төслийг дэмжлээ.

ШИНЭ МЭДЭЭ

Хуульд нэмэлт, өөрчлөлт оруулах төслийн анхны хэлэлцүүлгийг хийлээ 2021.10.15
Гэрээ соёрхон батлах тухай хуулийн төслийг дэмжлээ 2021.10.14
"Ковид"-ын хуулийн төслийг хэлэлцлээ 2021.06.28
Сонгуулийн ерөнхий хороог хууль биелүүлэхийг шаардаж УИХ-ын гишүүд суулт хийж байна 2021.05.06
Монгол Улс, Азийн хөгжлийн банк хоорондын санхүүжилтийн ерөнхий хөтөлбөрт оруулах нэмэлт, өөрчлөлтийн төслийг зөвшилцөв 2021.05.04
Цэцийн 2021 оны 03 дугаар дүгнэлтийг маргааш хэлэлцэхээр түр хойшлуулав 2021.05.04
Ш.Адьшаа: Шүүхийн тухай хуульд цаашид ч олон хүн Цэцэд маргаан үүсгэнэ 2021.05.04
УИХ-ын гишүүн Б.Бат-Эрдэнэ, Ш.Адьшаа нар Оюутолгойн асуудлаар хэлэлцүүлэгт оролцлоо 2021.04.30
Ш.Адьшаа: Газрын гүний усны хэрэглээ өндөр түвшинд байна 2021.04.30
Ш.Адьшаа: Үндсэн хуулийн зөрчлийг цаашид анхаарах хэрэгтэй 2021.04.29
Оюутолгойн асуудлаарх Түр хороо Ажлын хэсэг байгууллаа 2021.04.28
Ш.Адьшаа: Ховд аймаг уруу 3000 ширхэг түргэн оношлуурын тест илгээнэ 2021.04.28
Ардчилсан намын бүлэг УОК болон НОК-т хариуцлага тооцуулна 2021.04.27
Энэтхэгийн ард түмэнд сэтгэлийн дэм өгөх асуудлаар ярилцав 2021.04.26
Ш.Адьшаа: Үндсэн хуулийн цэц УИХ-д үүрэг болгодог байгууллага боллоо 2021.04.22
Ш.Адьшаа: Үндсэн хуулийн баталгаа болсон ҮХЦ-ийг хууль дээдлэх зарчмын хүрээнд шийдвэр гаргах боломжгүй болгосон 2021.04.08
Сум сумандаа тусалцгаая 2021.04.06
Ш.Адьшаа: Оюутолгой төслийн ус ашигласны төлбөрийг төлүүлэх шаардлагатай 2021.04.01
Ш.Адьшаа: Архины соёлтой болон соёлгүй хэрэглээ гэж ярьж байна үүн дээр тайлбар авъя 2021.04.01
УИХ-ын дарга Г.Занданшатар БХАТИХ-ын Байнгын хорооны дарга Ли Жаньшу-тай цахим уулзалт хийлээ 2021.04.01