НИЙСЛЭЛИЙН БАЯНГОЛ ДҮҮРЭГ

ИТХ-ын 2022 оны анхдугаар хурал боллоо
2022.03.29
Улстөр

ИТХ-ын 2022 оны анхдугаар хурал боллоо

Өнөөдөр /2022-03-25/ Баянгол дүүргийн иргэдийн Төлөөлөгчдийн Хурлын 2022 оны анхдугаар хурал 09:00 цагт 100 хувийн ирцтэйгээр эхэлж, 19:00 цагт өндөрлөлөө.

Хуралдааныг ИТХ-ын дарга Б.Сэмжидмаа удирдан, "Монгол Улсын Засгийн газар, Улс, нийслэлийн онцгой комиссоос тогтоосон цар тахлын хөл хорионоос шалтгаалж, мөн 2022 оны 1 дүгээр сарын 1-ний өдрөөс хэрэгжиж эхэлсэн Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн шинэчлэл, өөрчлөлттэй холбоотой судлах, суралцах, нутагшуулах олон асуудалтай танилцахад тодорхой хугацаа орсон"-ыг онцоллоо.


Өнөөдрийн хуралдаанаар:


1. Баянгол дүүргийн иргэдийн Төлөөлөгчийн Хурлын хуралдааны дэг батлах тухай;
2. Хурлын Ажлын албаны бүтэц, орон тооны хязгаар, дүрэм батлах тухай;
3. Баянгол дүүргийн иргэдийн Төлөөлөгчдийн Хурлын Зөвлөл байгуулах тухай;
4. Баянгол дүүргийн иргэдийн Төлөөлөгчдийн Хурлын хороодын ажиллах журмыг шинэчлэн батлах тухай;
5. Төлөөлөгчийн энгэрийн тэмдэг, үнэмлэх, албан бичгийн хэвлэмэл хуудас хэрэглэх журам батлах тухай;
6. Тогтоолууд хүчингүй болгох тухай;
7. Гэмт хэргээс урьдчилан сэргийлэх ажлыг зохицуулах салбар зөвлөлийн бүрэлдэхүүн, ажиллах журмыг батлах тухай;
8. Баянгол дүүргийн Хороодын хэсгийн хуваарийг батлах тухай;
9. Баянгол дүүргийн 2022 оны төсөвт өөрчлөлт оруулах тухай;
10. Шагналд тодорхойлох тухай;
11. Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулга хүчин төгөлдөр болсонтой холбоотой шинээр батлагдах дүрэм, журмын тухай асуудлуудыг тус тус танилцуулж, холбогдох тогтоол, шийдвэрүүдийг гаргалаа.

ШИНЭ МЭДЭЭ