Ц.Мөнхцэцэг: МҮОНРТ 750 ажилтантай байгаагаас 190 нь удирдлагын хэсэгт ажиллаж байна
2022.04.21
Хууль, эрх зүй

Ц.Мөнхцэцэг: МҮОНРТ 750 ажилтантай байгаагаас 190 нь удирдлагын хэсэгт ажиллаж байна

УИХ-ын Төрийн байгуулалтын байнгын хорооны хуралдаанаар Олон нийтийн радио, телевизийн тухай хуулийн хэрэгжилттэй танилцах, хянан шалгах үүрэг бүхий ажлын хэсгийн тайлан, санал дүгнэлтийг сонсов. Хуралдаанд МҮОНРТ-ийн Үндэсний зөвлөл, гүйцэтгэх удирдлагын төлөөлөл оролцлоо.

Энэ үеэр УИХ-ын гишүүн Ц.Мөнхцэцэг МҮОНРТ-ийн удирдлагын “данхар” бүтэц, үр ашиггүй зардлуудын талаар шүүмжиллээ. Тухайлбал, тэрээр “МҮОНРТ-д төсөв санхүүгийн бэрхшээл нүүрлэж, НДШ-ийн өр төлбөртэй, жилээс жилд үр ашиггүй зардал өсч байна хэмээн Ажлын хэсэг дүгнэжээ. Өнөөдрийн байдлаар МҮОНРТ 750 ажилтантай байгаагаас 190 нь удирдлагын хэсэгт байгаа юм. Хэт том данхар бүтэцтэй, тэр дундаа удирдлага нь ийм олон хүнтэй байгаагаас МҮОНРТ-ийн нийт зардлын 74 хүртэл хувийг цалингийн зардал эзлээд байгаа юм байна. Ийм нөхцөлд хүний нөөцийн сайн менежмент хийх, удирдлагыг цомхотгох ёстой. Гэтэл Үндэсний зөвлөл жилийн жилд энэ данхар бүтцийг баталж өгөөд байна. Тухайлбал, 2019 онд 762 хүнтэй байхаар, 2020 онд 763 хүн, 2021 онд 799 хүнтэй байхаар баталсан байна.

Хоёрдугаарт, Олон нийтийн радио телевиз бол гагцхүү олон нийтийн эрх ашигт үйлчилдэг, тэдний өмнө хариуцлага хүлээж, хяналт дор нь үйл ажиллагаагаа явуулдаг ашгийн төлөө бус хуулийн этгээд байх ёстой.

Өөрөөр хэлбэл, санхүүжилт болон удирдлага, нэвтрүүлгийн бодлогын хувьд улс төр болон бизнесийн ашиг сонирхлоос ангид байх ёстой. Тийм учраас төсвөөс санхүүждэг, Олон нийтийн радио, телевизээр арилжааны болон далд зар сурталчилгаа нэвтрүүлэхийг хориглоно гэж хуулинд заасан байдаг. Гэтэл МҮОНТ-ийн хувьд бусад арилжааны ТВ-ээс ялгагдах юмгүй бизнесийн шинжтэй зар сурталчилгаанууд яваад байна” хэмээв.

ШИНЭ МЭДЭЭ

Монголын дугуйн холбооноос 2022 оны шилдгүүдээ тодрууллаа 2022.12.28
Төрийн байгуулалтын байнгын хороо Ерөнхий төлөвлөгөө батлах тухай Байнгын хорооны тогтоолыг баталлаа 2022.12.27
Дотоодын цэргийн тухай хуульд нэмэлт, өөрчлөлт оруулна 2022.12.22
Хуулийн төслийн анхны хэлэлцүүлгийг хийв 2022.12.19
Гадаадын иргэний эрх зүйн байдлын тухай хуульд нэмэлт, өөрчлөлт оруулна 2022.12.16
Ц.Мөнхцэцэг:Тайван замаар үзэл бодлоо илэрхийлж, жагсаал цуглаан хийх хүний эрхийг хууль хүчний байгууллагууд зөрчиж байна 2022.12.12
Ц.Мөнхцэцэг: Сонгуульд өрсөлдөгчид мөнгөөр биш бодлогоор өрсөлддөг байх ёстой 2022.12.05
Ц.Мөнхцэцэг: Сонгуульд өрсөлдөгчид мөнгөөр биш бодлогоор өрсөлддөг байх ёстой 2022.12.02
Ц.Мөнхцэцэг: Газрын наймаа асар их цэцэглэж, нийтийн эзэмшилд нэг ч газар үлдээхгүйгээр газрыг хуваан авсан байна 2022.12.02
УИХ-ын гишүүн Ц.Мөнхцэцэг: Газрын төлбөрийг шударгаар тогтоох шаардлагатай 2022.12.01
Улсын дээд шүүхийн шүүгчид нэр дэвшигчидтэй танилцав 2022.12.01
Төрийн дээд одон медаль гардуулав 2022.11.30
“Эмэгтэй хүний эрх хамгаалагч “Зоригтон” хөрөг найрууллын уралдааны шилдгүүд тодорлоо 2022.11.30
“Эмэгтэй хүний эрх хамгаалагч ЗОРИГТОН-2022” уралдааны эзэд өнөөдөр тодорно 2022.11.29
Ц.Мөнхцэцэг: Улс төрийг бохир мөнгөний урсгалаас цэвэрлэх цаг ирсэн 2022.11.28
УИХ-ын гишүүн Ц.Мөнхцэцэг мэндчилгээ дэвшүүлэв 2022.11.25
Жендэрийн тэгш байдлыг дэмжих чиглэлээр хамтран ажиллах санал солилцлоо 2022.11.18
"Шийдвэр гаргах түвшинд жендэрийн тэгш байдал, эмэгтэйчүүдийн оролцоог дэмжих нь" хэвлэлийн бага хурал боллоо 2022.11.16
"Шийдвэр гаргах түвшинд хүрсэн эмэгтэй улстөрч нийгмийн хяналтад илүү өртөж, нэр хүнд, хүнийхээ хувьд хохирч байна" 2022.11.15
Хянан шалгах түр хороо тогтоолууд батлав 2022.11.15