МОНГОЛ УЛСЫН ИХ ХУРЛЫН ГИШҮҮН

Ус бохирдуулсны төлбөрийн тухай хуулийн хэрэгжилтийг хангах ажлын хэсэг холбогдох аж ахуйн нэгж, байгууллагын үйл ажиллагаатай танилцав
2022.05.12
Байгаль Орчин, Аялал жуулчлал

Ус бохирдуулсны төлбөрийн тухай хуулийн хэрэгжилтийг хангах ажлын хэсэг холбогдох аж ахуйн нэгж, байгууллагын үйл ажиллагаатай танилцав

Монгол Улсын Их Хурлаас Ус бохирдуулсны төлбөрийн тухай хуулийг анх 2012 онд баталж, 2019 онд нэмэлт, өөрчлөлт оруулсан. Ус бохирдуулсны төлбөрийн тухай хуулийн хэрэгжилтийн талаар хяналт шалгалт хийж, санал, дүгнэлт гаргах үүрэг бүхий ажлын хэсэг өнгөрсөн сард байгуулагдсан. Уг ажлын хэсгийг Улсын Их Хурлын гишүүн Б.Саранчимэг ахалж, гишүүнээр Улсын Их Хурлын гишүүн Н.Наранбаатар, Ц.Туваан, Т.Энхтүвшин нар ажиллаж байна.

Ажлын хэсгийн гишүүд болон дэд ажлын хэсгийн ахлагч нар өнөөдөр (2022.05.11) Баянзүрх дүүрэгт ажиллаж, “М Си Эс Кока Кола” ХХК болон “Амгалан дулааны станц” ТӨХК-ийн удирдлагуудтай уулзлаа.

“М Си Эс Кока Кола” компани нь үйлдвэрийнхээ хаягдал усыг цэвэрлэх байгууламжийг 2010 онд ашиглалтад оруулж, цэвэршүүлсэн усаар ногоон байгууламж услах, гал түймэр унтраах, мөн автомашин угаалгын газар, бетон зуурмагийн үйлдвэр болон хог хаягдал дахин боловсруулах үйлдвэрт ашиглаж байна.

Хаягдал усыг цэвэрлэх байгууламж нь хоногт 2.000 тн, жилд 150.000-200.000 тн ус цэвэршүүлж буй боловч, дөнгөж 5-6 хувийг нь ашиглаж, үлдсэн усаа төв цэвэрлэх байгууламж руу нийлүүлдэг тул бусад аж ахуйн нэгж, байгууллагыг тус компанийн цэвэршүүлсэн усны хэрэглэгч болохыг уриалж байв. Цэвэршүүлсэн энэхүү ус нь үнэ төлбөргүй гэж албаны хүмүүс танилцуулав.

Ажлын хэсгийн гишүүд үргэлжлүүлэн “М Си Эс Кока Кола” компанийн цэвэршүүлсэн усыг ашиглах боломжтой эсэх талаар санал солилцох зорилгоор “Амгалан дулааны станц” ТӨХК-ийн үйл ажиллагаатай танилцлаа. “Амгалан дулааны станц” ТӨХК нь “М Си Эс Кока Кола” компаниас тун холгүй оршдог.

Тус дулааны станц нь Баянзүрх дүүргийн нутаг дэвсгэр дэх Улиастайн ай сав газарт 6 худаг гаргаж, гүний ус ашиглан дүүргийнхээ 60 мянган айл өрхийг дулаанаар хангадаг. Өвлийн оргил ачааллын үед цагт 40.000-50.000 тонн ус хэрэглэдэг гэж “Амгалан дулааны станц” ТӨХК-ийн гүйцэтгэх захирал Ш.Баянмөнх танилцуулав. Мөн Улиастай орчмын ай сав газрын усны халиа, цэвэршүүлсэн усыг ашиглах тухай Дэлхийн банкнаас гаргасан судалгааг танилцуулж байв.

Ус бохирдуулсны төлбөрийн тухай хуулийн хэрэгжилтийг хангах зорилгоор УИХ-аас байгуулсан ажлын хэсэг бусад үйлдвэр, аж ахуйн нэгжид биеэр очиж танилцах, тулгамдсан асуудлыг сонсохоос гадна цэвэршүүлсэн усыг ашиглахад аж ахуйн нэгж, иргэдийг уриалах, мөн хяналт шалгалт хийж, санал, дүгнэлт боловсруулна гэж Улсын Их Хурлын гишүүн, ажлын хэсгийн ахлагч Б.Саранчимэг уулзалтын төгсгөлд танилцуулав

ШИНЭ МЭДЭЭ

“Холимог металлын ордууд, тэдгээрийн ашиглалт”-ын талаар Уул уурхай, хүнд үйлдвэрийн сайд мэдээлэл хийлээ 2022.12.28
Төрийн дээд цол, одон медалиар салбар бүрийн шилдгүүдийг шагналаа 2022.12.27
Т.Энхтүвшин: Онц чухал обьектуудын жагсаалт хэзээ батлагдах вэ? 2022.12.22
Үйлдвэржилтийн бодлогын байнгын хороо тогтоолын төслийг санаачлагчид нь буцаах нь зүйтэй гэж үзлээ 2022.12.20
Т.Энхтүвшин: Биржийн анхны үнийг аль биржээр тогтоох вэ 2022.12.15
Сайншанд суманд ажиллаж төрийн болон орон нутгийн бодлого шийдвэрийг танилцуулав 2022.12.14
Т.Энхтүвшин: Нүүрсний хулгайн эсрэг жагсаж буй залуучуудаа бүрэн дэмжих болно 2022.12.12
Сурагч солилцооны хөтөлбөр амжилттай хэрэгжиж байна 2022.12.12
Санхүүч, доктор Г.Эрдэнэцэцэг НҮБ-ын Төсвийн зөвлөхөөр томилогдсонд баяр хүргэе 2022.12.12
Нутгийн өөрөө удирдах байгууллага үүсэн хөгжсөний 30 жилийн ойн хүрээнд ахмадуудыг шагнав 2022.12.12
Геодези, зураг зүйн тухай хуулийн шинэчилсэн найруулгын төслийг хэлэлцэхийг дэмжиж, Байнгын хорооны тогтоолын төслүүдийг батлав 2022.12.09
Төрийн өмчит компаниудын IPO гаргах ажлыг эрчимжүүлэхийг Засгийн газарт чиглэл болголоо 2022.12.09
Ард түмний баялгаас хулгай хийсан хэнбугай ч болов хуулийн хатуу цээрлэл хүлээх ёстой 2022.12.06
Т.Энхтүвшин: Шүүгчийн, шүүхийн байгууллагын нэр хүндийг өргөж яваарай 2022.12.02
Сөүл хотын 3EN TECH компанийн захирал Чой Инсаптай уулзлаа 2022.12.01
Зүүнбаян-Ханги чиглэлийн төмөр замын нээлтийн ёслол боллоо 2022.11.28
БНСУ-ын ‘’СӨҮЛ СҮҮ’’ сүүний үйлдвэрийн үйл ажиллагаатай танилцлаа 2022.11.25
"Зүүнбаян-Ханги" чиглэлийн 226.9 км төмөр зам ашиглалтад орлоо 2022.11.25
БНСУ-тай эдийн засгийн хамтын ажиллагааг эрчимжүүлэх, үйлдвэрлэлийг хөгжүүлэх чиглэлд хамтран ажиллана 2022.11.23
Т.Энхтүвшин: Түншлэлээр гүйцэтгэсэн ажлыг төр хэрхэн хамгаалах вэ 2022.11.17