МОНГОЛ УЛСЫН ИХ ХУРЛЫН ГИШҮҮН

Эдийн засгийн байнгын хорооны даргаар УИХ-ын гишүүн Ц.Цэрэнпунцагийг томилохыг дэмжлээ
2022.08.31
Улстөр

Эдийн засгийн байнгын хорооны даргаар УИХ-ын гишүүн Ц.Цэрэнпунцагийг томилохыг дэмжлээ

Улсын Их Хурлын Эдийн засгийн байнгын хорооны өнөөдрийн (2022.08.30) хуралдаан 16 цаг 45 минутад 63.2 хувийн ирцтэй эхэлж, Байнгын хорооны даргыг сонгох асуудлыг хэлэлцэн шийдвэрлэлээ.

Улсын Их Хурлын гишүүн, Эдийн засгийн байнгын хорооны дарга Ж.Ганбаатар Уул уурхай, хүнд үйлдвэрийн сайдаар томилогдсон тул Улсын Их Хурал дахь олонхын бүлгээс тус Байнгын хорооны даргад Улсын Их Хурлын гишүүн Цэдэндамбын Цэрэнпунцагийн нэрийг дэвшүүлж байгааг Улсын Их Хурал дахь Монгол ардын намын бүлгийн дэд дарга Х.Булгантуяа танилцуулсан.

Ц.Цэрэнпунцаг нь 1988 онд Завхан аймгийн Б.Элдэв-Очирын нэрэмжит 10 жилийн 1 дүгээр дунд сургууль, 1997 онд ШУТИС-ийн Механик инженерийн сургуулийг тус тус төгссөн. 2013 онд АНУ-ын Доминиканы их сургуульд бизнесийн удирдлагын магистрын зэрэг хамгаалсан.

1999 оноос “Жем Групп”-ийн үүсгэн байгуулагч, ерөнхийлөгч, 2005-2010 онд “Жи-Мобайл” ХХК-ийн ТУЗ-ийн дарга, 2008-2016 онд “Ddish TV” ХХК-ийг үүсгэн байгуулагч, ТУЗ-ийн дарга, 2008 оноос “Жем Нет” ХХК-ийг үүсгэн байгуулагч, 2013 оноос “SPS TV” ХХК-ийг үүсгэн байгуулагч, зөвлөх, 2018 оноос “Хужирт Тур” ХХК-ийн ТУЗ-ийн дарга, 2020 оноос Монгол Улсын Их Хурлын гишүүн, Эдийн засгийн байнгын хорооны гишүүнээр ажиллаж байна.

Хэлэлцэж буй асуудалтай холбогдуулан Улсын Их Хурлын гишүүн М.Оюунчимэг үг хэлж, Байнгын хорооны даргад нэр дэвшсэн Улсын Их Хурлын гишүүн Ц.Цэрэнпунцагт ажлын амжилт хүслээ.

Ингээд Эдийн засгийн байнгын хорооны даргаар Улсын Их Хурлын гишүүн Цэдэндамбын Цэрэнпунцагийг сонгохыг дэмжье гэсэн томьёоллоор санал хураалт явуулахад хуралдаанд оролцсон гишүүд дийлэнх олонх буюу 83.3 хувь нь дэмжлээ.

Энэ талаарх Байнгын хорооны санал, дүгнэлтийг чуулганы нэгдсэн хуралдаанд Улсын Их Хурлын гишүүн Х.Булгантуяа танилцуулахаар тогтсоноор хуралдаан өндөрлөв

ШИНЭ МЭДЭЭ

Хөрөнгө оруулалтын банкны тухай хуулийн төслийг хэлэлцлээ 2022.12.30
"МХБ-ийн санал болгох хувьцааны 90 хүртэл хувийг стратегийн хөрөнгө оруулагчдад борлуулах нь ханш тогтвортой байлгах ач холбогдолтой" 2022.12.27
Санхүүжилтийн ерөнхий хэлэлцээрийн төслийг зөвшилцөхийг дэмжиж, хууль, тогтоолын төслүүдийг хэлэлцлээ 2022.12.21
Ц.Цэрэнпунцаг: Хувийн хэвшлийнхнээ баяжихаас айдаг төр байж болохгүй 2022.12.16
Төр, хувийн хэвшлийн түншлэлийн тухай хуулийн төслийг хэлэлцлээ 2022.12.01
Газрын тосны бүтээгдэхүүний тухай хуулийн шинэчилсэн найруулгын төслийг хэлэлцлээ 2022.12.01
Аялал жуулчлалын тухай хуулийн шинэчилсэн найруулгын төслийг хэлэлцэхийг дэмжив 2022.11.30
УИХ-ын дарга олборлох салбарын ил тод байдлыг хангах хуулийн төслүүдийг ирэх долоо хоногт Байнгын хорооны хуралдаанаар хэлэлцүүлэх чиглэлийг өглөө 2022.11.23
Төр, хувийн хэвшлийн түншлэлийн тухай хуулийн төслийн эцсийн хэлэлцүүлгийг хийлээ 2022.11.23
Төр, хувийн хэвшилтэй түншилнэ 2022.11.17
Төр, хувийн хэвшлийн түншлэлийн тухай хуулийн төслийн анхны хэлэлцүүлгийг хийв 2022.11.16
“Төрөөс мөнгөний бодлогын талаар 2023 онд баримтлах үндсэн чиглэл батлах тухай” УИХ-ын тогтоолын төслийн эцсийн хэлэлцүүлгийг явууллаа 2022.11.09
” Байгаль хамгаалалгүйгээр Алсын хараа-2050-д хүрэх боломжгүй” сэдвээр ярилцлаа 2022.11.04
Барилга бариад төрд шахаж, төсвөө өрөнд оруулдаг тогтолцоог бүрэн хална 2022.11.02
Концессын хуулийг хүчингүй болгоно 2022.11.02
Ц.Цэрэнпунцаг: Төр, хувийн хэвшлийн түншлэлийн төсөл хэрэгжсэнээр үйлчилгээний салбарт өрсөлдөөн бий болно 2022.11.02
Төр хувийн хэвшлийн түншлэлийн тухай хуулийг өргөн барихад бэлэн болжээ 2022.11.01
“Төрөөс мөнгөний бодлогын талаар 2023 онд баримтлах үндсэн чиглэл батлах тухай” УИХ-ын тогтоолын төслийн анхны хэлэлцүүлгийг хийв 2022.10.26
"Ардын эрх" нэвтрүүлэг 2022.10.19
Ц.Цэрэнпунцаг: Орон нутгийн нислэгийг тогтмолжуулах талаар ямар ажлыг зохион байгуулж байна вэ 2022.10.18