МОНГОЛ УЛСЫН ИХ ХУРЛЫН ГИШҮҮН

2022.10.13
Эдийн засаг, Худалдаа

Ё.Баатарбилэг: Эрүүл мэндийг дэмжих сангаар дамжуулан нийтийн биеийн тамирыг дэмжих бодлого хэрэгжүүлэх боломжтой юу?

УИХ-ын ээлжит чуулганы /2022.10.13/-ны өдрийн хуралдаанаар Монгол Улсын нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуульд өөрчлөлт оруулах тухай хуулийн төслийг хэлэлцлээ.

Хэлэлцэж буй асуудалтай холбогдуулан гишүүд асуулт асууж байр сууриа илэрхийллээ. 

УИХ-ын гишүүн Ё.Баатарбилэг:

Эрүүл мэндийг дэмжих сангаас дэмжлэг үзүүлэх хэрэгтэй байна. Хөдөө, орон нутагт улсын төсвийн хөрөнгө оруулалтаар спорт клуб, соёлын төвийг барихгүй гээд байдаг. Хувийн хэвшлийнхэн өөрсдийнхөө хөрөнгөөр барихаар ашиггүй байдаг. 

Төр хувийн хэвшлийн түншлэл, либералчлах бодлогын хүрээнд сумын төвд хувийн хэвшлийнхэн заал барьчихад тэнд нь төрийн дэмжлэг хэрэгтэй байна. Ингэхдээ нийтийн биеийн тамир, дасгал хөдөлгөөнд иргэд олон нийтийг уриалан оролцуулах ажлыг хангахад ямар боломж байгаа эсэхэд анхаарах нь зүйтэй.

Ингэснээр гишүүд тойрогтоо заал барих гээд төсөв рүү дайраад байх шаардлагагүй. Энэ талруугаа бодлогоо явуулбал яасан юм бэ?

Түүний асуултад,  Олимп, нийтийн биеийн тамир, спортын сайд Б.Бат-Эрдэнэ хариулт өглөө

ШИНЭ МЭДЭЭ