Бүх нийтийн эрх зүйн боловсролыг дээшлүүлэх Үндэсний зөвлөлийн VI хуралдаан боллоо
2022.12.21
Хууль, эрх зүй

Бүх нийтийн эрх зүйн боловсролыг дээшлүүлэх Үндэсний зөвлөлийн VI хуралдаан боллоо

Монгол Улсын Засгийн газрын 2018 оны 105 дугаар тогтоолоор баталсан “Бүх нийтийн эрх зүйн боловсролыг дээшлүүлэх үндэсний зөвлөл”-ийн ээлжит хуралдаан өнөөдөр /2022.12.20/ боллоо.

Хуралдааныг нээж Хууль зүй, дотоод хэргийн сайд, Бүх нийтийн эрх зүйн боловсролыг дээшлүүлэх үндэсний зөвлөлийн дарга Х.Нямбаатар үг хэлэв.

Тэрээр хөтөлбөрийг 2018 оноос хэрэгжүүлж эхэлснээс хойш таван жилийн хугацаанд нэлээдгүй ажил, арга хэмжээг Үндэсний зөвлөлийн гишүүд болон бусад төрийн болон нутгийн захиргааны байгууллага, олон улсын байгууллагуудтай хамтран зохион байгуулж ажилласан болохыг онцолж, 2022 онд хийж хэрэгжүүлсэн онцлог ажил, арга хэмжээнээс дурдсан юм.

Тухайлбал, Улсын хэмжээнд нийт 1879 гаруй эрх зүйн хөтчийг бэлтгэн чадавхжуулсан бөгөөд эдгээр эрх зүйн хөтөч нь 21 аймаг, нийслэлийн 9 дүүргийн иргэдэд хууль зүйн анхан шатны зөвлөгөө, мэдээллийг хүргэж ажилласан.

Хууль зүйн зөвлөгөө, мэдээллийн 1800-1202 дугаараар 1546 иргэнд, гэр бүлийн хүчирхийллийн чиглэлээр зөвлөгөө мэдээлэл өгөх Чатбот үйлчилгээгээр 548 иргэнд, мессежбот үйлчилгээгээр дамжуулан “Гэр бүлийн хүчирхийллийн талаар” нийт 2500 иргэнд тус тус хууль, эрх зүйн зөвлөгөө мэдээллийг хүргэсэн.

Мөн тус хөтөлбөрийг хэрэгжүүлэхэд Нээлттэй нийгэм форум, Иргэдийн оролцоо II төсөл, ХБНГУ-ын Хансс-Зайделийн сан, Олон улсын эрх зүйн хөгжлийн байгууллага зэрэг донор байгууллагатай хамтран эрх зүйн сургалтын платформ, “Жендэрт суурилсан хүчирхийлэлтэй тэмцэх аян”, “Эрх зүйн хөтчийг чадавхжуулах сургалт” зэрэг олон ажлыг зохион байгуулсныг онцолсон юм.

Үндэсний зөвлөлийн хуралдаанаар үндэсний хөтөлбөрийг хэрэгжүүлэх төлөвлөгөөний 2022 оны биелэлт болон хөтөлбөрийг хэрэгжүүлэхэд анхаарах асуудлын талаар гишүүд хэлэлцэж, цаашид гишүүн байгууллагуудын уялдаа холбоог сайжруулах замаар хөтөлбөрийн үр өгөөжийг нэмэгдүүлэх нь чухал гэдэгтэй санал нэгдлээ.

Хуралдааны төгсгөлд Үндэсний зөвлөлийн даргаас гишүүдэд хандаж, эрх зүйн мэдлэг, мэдээллийг бага наснаас нь эхлэн олгох, мэдээллийн усргалуудын уялдаа холбоог сайжруулахаас гадна шинэлэг санал, санаачилга гаргахад онцгой анхаарч бүх нийтийн эрх зүйн боловсролыг дээшлүүлж ажиллах үүрэг, чиглэлийг өглөө.

ШИНЭ МЭДЭЭ

Монгол Улсаас Канад, Америкийн Нэгдсэн Улсад суугаа Элчин сайдын яамыг иргэний улсын бүртгэлийн сүлжээнд холболоо 2022.12.30
"Гэмт хэргээс урьдчилан сэргийлэх ажлыг зохицуулах зөвлөл" 2023 оны чиглэлээ тодорхойлов 2022.12.28
Оюуны өмчийн үндэсний зөвлөлийн анхдугаар хурал боллоо 2022.12.28
Х.Нямбаатар: Бэлтгэл бүрэн хангагдвал нэгдүгээр сард Замын-Үүд-Эрээний зорчигч тээврийн хөдөлгөөнийг нээхээр болж байна 2022.12.27
"Казино ажиллуулах ААН Монголд 300 саяын хөрөнгө оруулж, 40 хувийн татвар төлнө" 2022.12.27
"Мөнгө угаахтай тэмцэх бүлгийн гишүүн орнуудаас хамгийн сайн үнэлгээтэй хоёр дахь улс болсон" 2022.12.27
Бооцоот морин уралдааны тухай хуулийн төслийг өргөн барилаа 2022.12.26
Казиногийн тухай хуулийн төслийг өргөн барилаа 2022.12.26
Бооцоот таавар, хонжворт сугалааны тухай хуулийн төслийг өргөн барилаа 2022.12.26
Хууль санаачлахад тодорхой хүрээ хязгаар тогтооно 2022.12.23
Бүх нийтийн эрх зүйн боловсролыг дээшлүүлэх Үндэсний зөвлөлийн VI хуралдаан боллоо 2022.12.21
Хууль тогтоомжийн тухай хуульд нэмэлт, өөрчлөлт оруулахыг дэмжлээ 2022.12.21
Х.Нямбаатар: Х.Баттулгад эрүүгийн хэрэг үүсгэсэн 2022.12.19
Эрүүгийн хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийв 2022.12.19
Х.Нямбаатар: Хуулийн төслийг дэмжиж байгаа 2022.12.16
Авлигатай тэмцэхэд ялын бодлого хангалттай биш 2022.12.16
Эрүүгийн хуульд нэмэлт өөрчлөлт оруулна 2022.12.15
Авлигын гэмт хэрэгт өршөөл үзүүлэхгүй байх зохицуулалтыг тусгасан Эрүүгийн хуульд нэмэлт, өөрчлөлт оруулах тухай хуулийн төслийг хэлэлцэхийг дэмжив 2022.12.14
“Тогтоолын хавсралтад өөрчлөлт оруулах тухай” Улсын Их Хурлын тогтоолын төслийг хэлэлцлээ 2022.12.14
Эрүүгийн хуульд нэмэлт, өөрчлөлт оруулах тухай хуулийн төслийг өргөн мэдүүллэ 2022.12.14