Хүнс, хөдөө аж ахуйн үйлдвэрлэлийг дэмжих хөнгөлөлттэй зээлийн гэрээнд талууд гарын үсэг зурлаа
2023.03.30
Үйлдвэр, Хөдөө Аж Ахуй, Хүнс

Хүнс, хөдөө аж ахуйн үйлдвэрлэлийг дэмжих хөнгөлөлттэй зээлийн гэрээнд талууд гарын үсэг зурлаа

Монгол Улсын Ерөнхийлөгчийн санаачлан батлуулсан "Хүнсний хангамж, аюулгүй байдлыг хангах талаар авах зарим арга хэмжээний тухай" Улсын Их Хурлын 2022 оны 36 дугаар тогтоолын хэрэгжилтийг хангах хүрээнд хүнсний сүлжээний бүх үе шатанд аюулгүй байдлыг хангах, гол нэрийн хүнсний бүтээгдэхүүн үйлдвэрлэл, түүхий эдийн дотоодын нөөц ашиглалтыг нэмэгдүүлэх, импортын хамаарлыг бууруулах, цаашид хүнс экспортлогч орон болох зорилтыг дэвшүүлсэн.

Засгийн газрын 2023 оны 63 дугаар тогтоолоор хүнсний болон хөдөө аж ахуйн үйлдвэрлэлийг дэмжих 5-6 хувийн хүүтэй, хөнгөлөлттэй зээлийг арилжааны банкны эх үүсвэрээр санхүүжүүлж, Засгийн газраас хүүгийн зөрүү 13 хувийг хариуцан олгохоор шийдвэрлэсэн. 

Энэ хүрээнд арилжааны 10 банкаар дамжуулан эргэлтийн хөрөнгийн болон хөрөнгө оруулалтын зориулалтаар уг зээлийг олгох бөгөөд 2023 оны төсөвт хүүгийн хөнгөлөлтөд 135.5 тэрбум төгрөгийг тусгасан. 

-    Мал аж ахуйн үйлдвэрлэлийг дэмжихэд 132.3 тэрбум төгрөг, 
-    Газар тариалангийн үйлдвэрлэлийг дэмжихэд 342.6 тэрбум төгрөг,
-    Хүнсний боловсруулах, сав баглаа боодлын үйлдвэрлэлийг дэмжихэд 507.1 тэрбум төгрөг,
-   Нийт 982.0 тэрбум төгрөгийн зээлийг хүнс, хөдөө аж ахуйн үйлдвэрлэл эрхлэгчдэд 3-5 жилийн хугацаатай олгох санхүүжилтийн гэрээг Сангийн яам, Хүнс, хөдөө аж ахуй, хөнгөн үйлдвэрийн яам, Монголбанк, арилжааны банкууд хамтран байгуулж байна. 

Арилжааны банкууд: 

  • Төрийн банк
  • Хаан банк
  • Худалдаа хөгжлийн банк
  • Голомт банк
  • Капитрон банк
  • Тээвэр хөгжлийн банк
  • Хас банк
  • Богд банк
  • Ариг банк
  • М банк

Зээлийг зориулалтын дагуу, үр дүнтэй зарцуулснаар гол нэрийн хүнсний бүтээгдэхүүн үйлдвэрлэл эрхлэгчдэд үйлдвэрлэлээ өргөжүүлэх, шинээр үйлдвэр байгуулах, технологийн шинэчлэл хийх замаар ашиг орлогоо нэмэгдүүлэн, бүтээгдэхүүний аюулгүй байдлыг хангах нөхцөл бүрдэх юм. 

ШИНЭ МЭДЭЭ

Өвөлжилтийн нөхцөл байдлын талаар Шадар сайд мэдээлэл өглөө 2023.12.19
Мал, махны хөдөө аж ахуйн биржийн арилжааг эхлүүлнэ 2023.12.13
Мах, ноолуур бэлтгэх аж ахуйн нэгжид зээл олгоно 2023.12.13
Малчдад улсын нөөцөөс тэжээл 50 хувь хямдруулж олгоно 2023.12.13
Монгол Улс түүхэндээ анх удаа хүнсний ногоо хураалтаараа түүхэн дээд амжилт тогтоолоо 2023.12.12
Малын генетик нөөцийн тухай хуулийн хэрэгжилтийн талаарх асуулгын хариу сонслоо 2023.12.08
“Тариалангийн сэргэлтийн жил” түүхэн дээд амжилт тогтоолоо 2023.12.07
Нөөцийн мах бэлтгэхэд анхаарч ажиллахыг аймаг, нийслэлийн Засаг дарга нарт даалгав 2023.12.07
Төрийн дээд одон, медалиар шагналаа 2023.12.06
Ургамлын эрүүл мэнд, ургамал хамгааллын тухай хуультай болно 2023.11.29
Сайд Х.Болорчулуун дэлхийн мал, амьтны эрүүл мэндийн байгууллагын шинжээчдийг хүлээн авч уулзав 2023.11.29
Улаанбуудай, төмсний хэрэгцээг 100, хүнсний ногооны 85 хувийг дотоодын ургацаас хангана 2023.11.15
Жижиг, дунд үйлдвэрийн газар “Шилэн” болон “Шүүр” ажиллагааны хэрэгжилтийг танилцууллаа 2023.11.08
“Мал төхөөрөх, мах боловсруулах үйлдвэрлэлийн үйл ажиллагаанд зохистой дадлын хэрэгжилтийг шалгах заавар” хэлэлцүүлэг боллоо 2023.11.02
Даян дэлхийн тогтвортой мал аж ахуйн хөтөлбөрийн олон талт түншүүдийн 13 дахь удаагийн уулзалт боллоо 2023.11.02
"Цагаан будааны худалдааны тогтвортой байдлын тухай" харилцан ойлголцлын санамж бичигт гарын үсэг зурав 2023.11.02
Байгальд ээлтэй 67 малчинг шалгаруулав 2023.10.30
Х.Болорчулуун: Бүх төрлийн махны экспортод тоо хэмжээний хязгаарлалт, квот тогтоохгүй 2023.10.16
Хүнс, хөдөө аж ахуй, хөнгөн үйлдвэрийн салбарын мэдээлэл сонслоо 2023.10.13
Итали улсаас Монгол Улсад суугаа онц бөгөөд бүрэн эрхт элчин сайдыг хүлээн авлаа 2023.10.13