Гадаад орнуудын парламентын хуралдааны дэгийн эмхэтгэл ном олны хүртээл боллоо
2023 оны 5 дугаар сард Үндсэн хуульд оруулсан өөрчлөлтийн дагуу Монгол Улсын Их Хурлын чуулганы хуралдааны дэгийн тухай хуулийг шинэчлэн батлах зайлшгүй шаардлагатай болсон.
Ингэж өөрчлөхийн тулд дэгийн онол, арга зүй, хөгжлийн чиг хандлага, бусад улс орны сайн туршлагыг судлах нь өөрийн улсын парламентын дэгийг боловсронгуй болгоход өндөр ач холбогдолтой юм.Тиймээс энэхүү шаардлагыг харгалзан Улсын Их Хурлын Тамгын газраас 10 улс (герман, франц, солонгос, орос, австрали, канад, финланд, швейцар, македон, япон)-ын парламентын хуралдааны дэгийг орчуулан эмхэтгэж, өнгөрсөн 11 дүгээр сард олон нийтийн хүртээл болгоод байна.
