![Уяачдын наадамд 64 бөх зодоглож, 214 хурдан хүлэг уралдлаа](https://vip76.mn/media/news/original/2024/07/15/2fec924708a872e5ad6907a25db6420b.jpg)
Уяачдын наадамд 64 бөх зодоглож, 214 хурдан хүлэг уралдлаа
Үндэсний их баяр наадмын Уяачдын наадам Хүй долоон худагт өргөн дэлгэр болж өндөрлөлөө
Энэ жилийн уяачдын наадамд сонгомол морьдын уралдааны Дээд насанд 71, дунд насанд 59, бага насанд 84, нийт 214 хурдан хүлэг тоосоо өргөсөн бол хүчит бөхийн барилдаанд улс, аймгийн цолтой хүчит 64 бөх зодоглолоо.
Уяачдын наадмыг нээж Монгол Улсын Шадар сайд, Үндэсний их баяр наадмыг зохион байгуулах хорооны дарга С.Амарсайхан наадамчин олонд мэндчилгээ дэвшүүлж хэлсэн үгэндээ “Монгол наадам бол Монгол үндэстний үүх түүх, өв соёл, төрт ёсны илэрхийлэл болсон эгнэшгүй үнэт зүйл билээ. Даяаршлын эрин зуунд бөмбөрцгийн улс орнууд бие биенээсээ ялгарах, ондооших ижилсэл нь уугуул өв соёл байдаг.
Нүүдэлчдийн уугуул өв соёлын нэгэн гайхамшиг болсон морь уяхыг төрийн эрхэм үйл хэмээн дээдэлж явдаг уяачид Та бүхэн минь төрийнхөө их баяр цэнгэл наадамд нас насны хурдан хүлгээ уралдуулж, түмэн олноо цэнгүүлэн хүүхэд, морь эсэн мэнд, хүн бүхэн баяр хөөрөөр бялхан, Хүйн долоон худгийнхаа буурал дэнжид хурсан олныхоо хийморийг асаан, хотол олноороо сайхан наадаарай” хэмээв.
ШИНЭ МЭДЭЭ
![](http://img.youtube.com/vi/wzRRPeFlhB8/hqdefault.jpg)
![](https://vip76.mn/media/news/106x106/2024/08/02/3b49a206bf4feaa2e2b3ff56cdfbaf96.jpg)
![](https://vip76.mn/media/news/106x106/2024/06/24/2882f473f21fa0ed79a463b248ed55b71.jpg)