ХЭВЛЭЛ МЭДЭЭЛЛИЙН БАЙГУУЛЛАГА, СЭТГҮҮЛЧДИЙН ТӨЛӨӨЛӨЛД СУРГАЛТ, МЭДЭЭЛЭЛ ХИЙЛЭЭ
Сонгуулийн ерөнхий хороо Монголын сэтгүүлчдийн нэгдсэн эвлэл, Орон нутгийн хэвлэл мэдээллийн холбоотой хамтран хэвлэл мэдээллийн байгууллага, сэтгүүлчдэд зориулсан “Аймаг, нийслэл, сум, дүүргийн иргэдийн төлөөлөгчдийн хурлын 2024 оны ээлжит сонгууль-олон нийтийг мэдээллээр хангах нь” сэдэвт сургалт өнөөдөр (2024.09.11) зохион байгууллаа.
Сургалтад Монголын сэтгүүлчдийн нэгдсэн эвлэл, Орон нутгийн хэвлэл мэдээллийн холбооны удирдлагууд, 21 аймаг, нийслэлийн хэвлэл мэдээллийн байгууллага болон “Сонгуулийн боловсрол” клубийн сэтгүүлч, иргэний нийгмийн байгууллагын 100 шахам төлөөлөл оролцсон юм.
