Эрүүл мэндийн салбар дахь авлига, ашиг сонирхлын зөрчлөөс урьдчилан сэргийлэх, эрсдэлийг бууруулах чиглэлээр уулзалт зохион байгууллаа

Эрүүл мэндийн салбар дахь авлига, ашиг сонирхлын зөрчлөөс урьдчилан сэргийлэх, эрсдэлийг бууруулах чиглэлээр Авлигатай тэмцэх газрын төлөөлөлтэй хамтарсан уулзалт (2026.02.27) зохион байгууллаа.Уулзалтаар Эрүүл мэндийн яаманд болон эрүүл мэндийн салбарт хяналт шалгалтаар өгөгдсөн зөвлөмжийн биелэлтийг танилцуулж, цаашид сайжруулах шаардлагатай асуудлууд болон авлигын эрсдэл үүсэж болзошгүй үйл ажиллагааны чиглэлүүдэд хэрэгжүүлэх нэмэлт арга хэмжээний талаар талууд хэлэлцэв.Эрүүл мэндийн яамны Төрийн нарийн бичгийн дарга Д.Очирбат, цаашид яам болон салбарын хэмжээнд авлига, ашиг сонирхлын зөрчлөөс урьдчилан сэргийлэх, соён гэгээрүүлэх ажлыг эрчимжүүлж, шударга ёсны зарчмыг төлөвшүүлэхэд Авлигатай тэмцэх газартай хамтын ажиллагааг улам өргөжүүлэх хүсэлтэй байгаагаа илэрхийллээ. Авлигатай тэмцэх газрын төлөөлөл Эрүүл мэндийн яамны зүгээс тавьсан саналыг хүлээн авч, мэргэжил, арга зүйн дэмжлэг үзүүлэн хамтран ажиллахаар болов. Уулзалтад, Эрүүл мэндийн яамны Төрийн нарийн бичгийн дарга Д.Очирбат, газар, хэлтсийн дарга, мэргэжилтнүүд, Засгийн газрын хэрэгжүүлэгч агентлаг болон харьяа байгууллагын удирдах ажилтны төлөөлөл, мөн эрүүл мэндийн салбарыг хариуцан ажилладаг Авлигатай тэмцэх газрын холбогдох нэгжийн албан тушаалтнууд оролцлоо.