Б.Мөнхсоёл: Төсвийн тодотгол хийхэд ойрхон байна!

Махны үнэ 52.6% өсч мянгад хүрсэн нь иргэдийн амьдралд хүнд тусч байна. Өөрөөр хэлбэл бага орлоготой, ам бүл олонтой айлын хувьд хүнсний анхдагч хэрэгцээ болох МАН хэрэглээнээс гарч, таван цул, дотор гэдсээр хоногийн хоолоо залгуулж буй айлууд олон байна. Нийслэлийн статистикийн газрын мэдээгээр өнөөдрийн байдлаар үхрийн цул мах 36.600, хонь 26.300, адуу 18.200, ямаа 20.300 төгрөгөөр борлуулагдаж байна. Асуудал өндрөө авч, сүүлийн 5 өдөр асуудалд Монгол Улсын Засгийн газар, ХХААХҮ-ийн яамнаас нөөцийн махны хүртээмж, түгээлтийг нэмэх замаар шуурхай арга хэмжээ авч ажиллаж байна.Гэтэл өнөөдрийн нүүр тулж буй асуудлыг чуулганы болоод байнгын хороодын хуралдаан дээр хөндөж, урьдчилан сануулж байв. УИХ-ын гишүүн Б.Мөнхсоёл Төсвийн байнгын хорооны 2026 оны дөрөвдүгээр сарын 29-ний өдрийн хурлаар Төсвийн тогтвортой байдлын зөвлөлийн 2025 оны үйл ажиллагааны тайланг хэлэлцэх үеэр “Төсвийн орлого 720 тэрбумаар тасарч, махны үнэ 52.6% өссөн нь иргэдийн амьдралд хүнд тусаж байна. Энэ нь төсөвт тодотгол хийх хэмжээний эрсдэл дагуулж байгаа тул сахилга батаа барих уу, хөгжлийн төслүүдээ явуулах уу гэдэг хүнд сонголтын өмнө ирээд байгаа"-г сануулж байв.Мөн ХҮН намын Зөвлөлөөс 14 хоногийн өмнө буюу 2026 оны тавдугаар сарын 5-ны өдөр Засгийн газар ирэх жилийн ТӨСВИЙН хуулиуд УИХ-д өргөн барьсантай холбогдуулан мэдээлэл хийх үеэр “2026 оны төсвийн хуулинд төсвийн алдагдлыг 1 их наяд төгрөг байхаар баталсан. Гэтэл эхний улирлын байдлаар 1.4 их наяд төгрөгч хүрлээ. Хөрөнгө оруулалтын гүйцэтгэл дөнгөж 15 хувьтай байна. Хөрөнгө оруулалт саармагжиж байна гэдэг нь бизнесийн таатай нөхцөл бүрдээгүйгээс гадна төсвийн бодлогоо эргэн харж, хийх зүйлс их байгааг илтгэж байна. Төсвийн тодотгол хийх нөхцөл байдал хуулийн дагуу үүсээгүй ч бодит байдал тусгайлан бодлого, төлөвлөгөө гаргаж, яаралтай арга хэмжээ авах болсныг харуулж байна" гээд ХҮН намын Зөвлөлөөс гаргаж буй, зөвлөмж, саналыг холбогдох яамд, агентлагуудад хүргүүлж байв.Гэтэл Гүйцэтгэх засаглал “үг авалгүй" байсаар махны үнэ “хаданд гарсан”. Харин төсвийн тодотгол хийх нөхцөл бүрдээд байгааг эдийн засагч гишүүд хэдэнтээ сануулж байгаад онцгойлон анхаарч, цаг алдалгүй яаралтай хэрэгжүүлэх арга хэмжээ авах нь нэн чухал байна.