Засгийн газрын гишүүнийг томилж, чөлөөлөх асуудлыг УИХ-д танилцуулахтай холбоотой Дэгийн тухай хуульд нэмэлт, өөрчлөлт оруулах хуулийн төслийг өргөн мэдүүлнэ

М.Бадамсүрэн, З.Мэндсайхан, Д.Энхтүвшин, Д.Үүрийнтуяа, Д.Бум-Очир, Л.Соронзонболд, Б.Хэрлэн нарын УИХ-ын Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах хуулийн төсөл боловсруулж, УИХ-д өргөн мэдүүлэхэд бэлэн болсноо мэдэгдлээ.Дэгийн тухай хуулийн зарим зүйл, хэсэгт заасан хугацааг Монгол Улсын Үндсэн хуульд 2019 онд оруулсан нэмэлт, өөрчлөлтөд нийцүүлэх шаардлагатай гэсэн байр сууриа УИХ-ын гишүүн М.Бадамсүрэн өнгөрсөн хаврын чуулганаар ч илэрхийлж байсан юм.Сүүлийн үед улс төрд өрнөсөн олон үйл явдал, маргаантай асуудал ч нэмэлт, өөрчлөлт хийх практик шаардлагыг харууллаа. Хуулийн төсөл 3 зүйлтэй бөгөөд 6.12 дахь хэсэгт нэмэлт оруулж, Мөн 10.8, 101.1, 102.1 дэх зүйл заалтуудад тусгасан хугацааг Үндсэн хуульд нийцүүлэн өөрчлөхөөр тусгав.Ингэснээр Засгийн газрын гишүүнийг томилж, чөлөөлж, огцруулах асуудлыг УИХ-д танилцуулахтай холбоотой товыг тогтоох хугацааны асуудал тодорхой болно. Мөн санал хураалтын ойлголтын зөрүүтэй байдлыг бууруулж, чуулганы шийдвэр гаргах үйл явцыг процедурын бус, бодлогын агуулгад суурилсан, илүү үр нөлөөтэй, ил тод болгож, парламентын үйл ажиллагаанд иргэдийн итгэлийг нэмэгдүүлэх чухал алхам болно гэж үзэж байгаагаа хууль санаачлагдын зүгээс онцлов.