Ж.Батжаргал: Намын үндсэн дүрэмд 44 заалт шинээр нэмж, 57 заалтыг өөрчлөн найруулж, 9 заалтыг хаслаа

Улс төрийн ууган хүчин Монгол Ардын Намын 31 дүгээр Их хурал "ЭВ НЭГДЭЛ, ШИЙДЭЛ, ХӨГЖИЛ" уриан дор 2025 оны 11-р сарын 15-17-ны өдрүүдэд амжилттай болж өндөрлөлөө.Энэ удаагийн Их хуралд намын анхан шатны нэгжээс сонгогдсон, мөн ахмад, эмэгтэйчүүд, залуучууд, оюутны холбоо зэрэг намын дэргэдэх ТББ-ын төлөөллөөс бүрдсэн нийт 2255 төлөөлөгчид улс орны өнцөг булан бүрээс ирж оролцлоо.Намын үндсэн дүрэмд заасны дагуу УИХ дахь МАН-ын бүлгийн даргын хувиар 31 дүгээр их хурлын хуралдааныг 11 тэргүүлэгчийн хамт удирдан явууллаа.МАН-ын 31 дүгээр Их хурлын эхний өдөр намын даргаар УИХ-ын гишүүн, Тэргүүн шадар сайд бөгөөд Эдийн засаг, хөгжлийн сайд Н.Учралыг хуралд оролцсон нийт төлөөлөгчийн 94.95 хувийн саналаар сонгов.намын үндсэн дүрэмд 44 заалт шинээр нэмж, 57 заалтыг өөрчлөн найруулж, 9 заалтыг хасавИх хурлын хоёр дахь өдрийн хуралдаанаар намын хичээн эрмэлзэх зүйл буюу хөтөлбөр, Улс төрийн намын тухай хуульд нийцүүлэн үндсэн дүрэмд орох өөрчлөлтийг төлөөлөгчид тал бүрээс нь хэлэлцэн баталлаа. Ингэхдээ намын үндсэн дүрэмд 44 заалт шинээр нэмж, 57 заалтыг өөрчлөн найруулж, есөн заалтыг хассан болно.Их хурал гурав дахь өдрөө үргэлжилж Бага хурлын бүрэлдэхүүнийг шинэчлэн 597 гишүүнтэйгээр байгуулснаар 31 дүгээр Их хурал маань амжилттай болж өндөрлөв. Монгол Ардын намын XXXI Их хурлаас байгуулсан Бага хурлын анхдугаар хуралдаан /2025.11.18/ Тусгаар тогтнолын ордонд болж өндөрлөлөө. Хурлаар Монгол Ардын намын Ерөнхий Нарийн Бичгийн даргаар Я.Содбаатарыг хуралдаанд оролцсон нийт гишүүний 99.6 хувийн саналаар сонгож батлав. Мөн намын орон тооны Нарийн бичгийн даргаар Н.Энхбаатар, Б.Пүрэвдагва, Ө.Золбаяр, С.Мөнгөнчимэг, М.Цэлмүүн нарыг, орон тооны бус Нарийн бичгийн даргаар Д.Сумъяабазар, Б.Чойжилсүрэн, Д.Мөнхсайхан нарыг, намын Удирдах зөвлөлийн гишүүнээр 39 хүнийг, намын санхүүгийн дотоод аудиторын албан тушаалд Ц.Норовжамцыг хуралдаанд оролцсон гишүүдийн дийлэнх олонхын саналаар сонгож баталлаа. Монгол Ардын намын Хяналтын ерөнхий хорооны даргаар П.Мөнхтөрийг, тус хорооны дэд дарга бөгөөд Ёс зүйн хорооны даргаар Б.Амарсанааг сонгов.