А.Ариунзаяа: Хэлсэн шүү дээ "Алт- 3" тогтоол буруу юм биш үү гэж

УИХ-ын чуулганы /2025.09.23/-ны өдрийн хуралдаанаар “Алт-3” аяныг хэрэгжүүлэх зарим арга хэмжээний тухай” Улсын Их Хурлын 2025 оны 85 дугаар тогтоолд хэсэгчлэн тавьсан Монгол Улсын Ерөнхийлөгчийн хоригийг хэлэлцлээ.Хэлэлцэж буй асуудалтай холбогдуулан гишүүд үг хэлж, асуулт асуулаа.УИХ-ын гишүүн: А.АриунзаяаЭцсийн найруулга сонсоход хүртэл хэлсэн хүний гараар могой барих гэж байгаад, могойн хорондоо хордож байгаа Засгийн газар л байхгүй юу. Хаанаас оруулж ирсэн юм, нэг их ажлын хэсэг дээр оруулаад ирчихсэн юм шиг худлаа ярихаа больё. Өчнөөн л яригдсан. Төсвийн орлого яачихсан байгаа юм, эдийн засаг ямар байгаа юм. Төсвийн тэнцвэржүүлсэн тэнцэл 2025 оны эхний 7 сард 1,3 их наядын төгрөгийн алдагдалтай байгаа гээд Статистикийн хороо зарлачихсан. Хэцүү байгаа, орлого хэцүү байна, цаашдаа ч гэсэн хэцүү.Нүүрсний борлуулалт бүр хүндэрч байгаа. Тэгээд алтны алтны үнэ өсөж байгаа  алт- 3 хөтөлбөрийг явуулах хэрэгтэй байна  гээд л яригдсан. Тэгээд ЗГ өөрт байгаа бүрэн эрхийнхээ дагуу асуудлаа оруулаад ирчихгүй, худлаа  шахуулсан болж Их хуралд асуудлыг нялзааж байна. Өмнө нь О.Алтангэрэл сайдын бас нэг тогтоол байсан. Хянан шалгахыг одоо ЗГ-т бид нарт даалгаад өгөөч, гээд. Өөрсдөө өөрсдийнхөө ажлаа хий л дээ. Яагаад УИХ-аар могой бариулах гээд байгаа юм. Ерөнхийлөгчийн хоригийг авах нь зүйтэй.  Гэхдээ 2 заалтаар нь тус тусад нь явж болж байгаа эсэхийг дахиж тодруулмаар байна. Энэ тогтоолыг Монгол Улсын 2025 оны төсвийн тухай хуульд өөрчлөлт оруулах тухай хууль хүчин төгөлдөр болсон өдрөөс эхлэн дагаж мөрдсүгэй гэсэн. Яг юу нь  зөрччихөөд байгаа юм. Үндсэн хуулийг төсвийн тухай хуульд өөрчлөлт оруулах тухай хуулийг хүчин төгөлдөр болгосон нь буруу байгаа юм уу? Ерөнхийлөгчийн Тамгын газар ч гэсэн аливаа асуудалдаа нэг жоохон наанатай, цаанатай хандахгүй бол Алт- 3-ын хоригийг нь авсангүй гээд асуудалд орох уу? Урьд өмнө нь баталсан хуулиуд яах юм болж байна?