А.Ариунзаяа: УИХ-ын гишүүдийг  бодит, үнэн зөв мэдээллээр хангаж, хэн нь үнэн худал яриад байгаа асуудлыг мухарлах ёстой!

Дэлхийн цаг төрийн байдал хурцдаж, дайн мөргөлдөөн дэгдэж, олон орон энергийн эх үүсвэр түлш, шатахууны хомсдолд орж, хэмнэлтийн горимд шилжээд байна. Манай улсад ч ялгаагүй хаврын тариалалтын өмнө бүх юмны үнэд нөлөөлдөг түлш, шатахууны үнэ өслөө. Эдийн засгийн байдал нэн эгзэгтэй байна. Гэтэл манайд улс төр нь тогтворгүй, төрийн ажил гацсан, хэдэн сайдууд нь иргэддээ үнэн, худал нь үл мэдэгдэх мэдээлэл хүргэж, чулуу талцуулж тоглож буй мэт дүр зураг хөвөрсөөр. Тухайлбал, Улсын Их Хурлын хаврын ээлжит чуулган эхэлснээс хойш арван өдөрт нэг ч шийдвэр гаргаж, нэг ч хууль хэлэлцсэнгүй. Улс төр биш, ажлаа хий, асуудлаа шийд гэж амьдрал, ард түмэн шаардаж байна. Энэ хэлцэл, талцалын дунд нэр бүхий гишүүд тодорхой асуудлаар Ерөнхий сайдад асуулт хүргүүлээд байгаа. Тэдний нэг нь УИХ-ын гишүүн А.Ариунзаяа. Тэрээр, ХЗДХ-ийн сайд болон дэд сайдтай холбоотой мэдээллийг мухарлаж гүтгээд байгаа юм уу,үгүй юм уу, баримттай юм уу, баримтгүй юм уу гэдгийг гаргах хэрэгтэй. Хууль зүйн сайдаасаа гадна Хууль зүйн дэд сайдын асуудал ч гэсэн яригдаж байгаа. Л.Оюунэрдэнэ гишүүн Бодийн оптик гэрээтэй холбоотой хэлэлцээрт Д.Мөнх-Эрдэнэ Бодийн талд хуулийн зөвлөхөөр ажиллаж байсан. Протокол нь байна асуудал дэвшүүлсэн баримтуудаа АТГ-т өгсөн гэсэн. Харин Д.Мөнх-Эрдэнэ дэд сайд үүнийг үгүйсгэж мэдээлэл өгсөн. Хууль зүйн дэд сайд хүн худал мэдээлэл хэлж, хэлсэн үгэндээ үүрэг хариуцлага хүлээхгүй гэсэн "дархлаа"байхгүй. Миний хувьд Ерөнхий сайд Г.Занданшатарт УИХ-ын гишүүдийг үнэн зөв мэдээллээр хангаж ажиллаач гэсэн албан тоот илгээсэн. Тодруулбал, албан ёсны баримт мэдээлэл болох Эрдэнэс Тавантолгой ХК-ийн ТУЗ-ын тухайлсан хурлын цаасан болон аудио протокол ирүүлж Д.Мөнх-Эрдэнэ Бодь интернэшнл ХХК-ийн хуулийн зөвлөхийн хувиар оролцсон эсэхийг тодруулах хүсэлт гаргалаа.Өнөөдөр иргэдийн хууль зүйн салбарт итгэх итгэл ямар байгаа билээ. Ийм нөхцөлд гишүүд бодит, үнэн зөв мэдээллээр хангагдаж, хэн нь үнэн худал яриад байгаа асуудлыг мухарлах ёстой. Иймээс Ерөнхий сайдаас нотлох тухайн үеийн хурлуудын протокол болон аудио бичлэгүүдийг ирүүлэхийг хүссэн албан тоот явуулсан. Хариу ирүүлэхийг хүлээж байна.