Жил бүр насанд хүрээгүй 2600 охин жирэмсэлж байна, энэ бага тоо биш!

Өсвөр насны охидын жирэмслэлт жил ирэх тусам нэмэгдсээр байгаа нь хүүхэд хамгааллын асуудлыг орхигдуулсныг харуулж байна. Энэ бол зөвхөн эрүүл мэндийн асуудал биш, боловсрол, хүүхэд хамгаалал, нийгмийн хөгжлийн тулгамдсан асуудал болоод буй. Энэ асуудалд УИХ-ын гишүүн Т.Мөнхсайхан бодлогын түвшинд салбар хоорондын уялдаатай, бодит үр дүнтэй арга хэмжээ авч хэрэгжүүлэх шаардлагатай. Мөн урьдчилан сэргийлэх, эрт илрүүлэх, хариуцлагын тогтолцоог тодорхой болгох хэрэгтэйг онцоллоо.Тодруулбал, манай улсад жил бүр 15-19 насны 2600 орчим охин жирэмсэлж байна. Энэ тоо зөвхөн бидэнд бүртгэгдэж, мэдэгдсэн тоо бөгөөд үүний цаана бүртгэлгүй, нуусан, тусламж авч чадаагүй хэчнээн хүүхэд байгааг бид мэдэхгүй!Өсвөр насны жирэмслэлтийн цаана:сургууль завсардалт,эрүүл мэндийн эрсдэл,бэлгийн хүчирхийлэл,ядуурал,сэтгэл зүйн дарамт,ирээдүйн боломж хумигдах зэрэг олон асуудал давхар үүсэж байдаг.Тиймээс:Бэлгийн болон нөхөн үржихүйн боловсролыг нас, хүйсийн онцлогт тохируулан сургуулийн түвшинд бодитой хэрэгжүүлэх, Эцэг эхийн боловсрол, оролцоог нэмэгдүүлэх,Сургууль, өрхийн эмнэлэг, хүүхэд хамгааллын байгууллагын хамтарсан эрт илрүүлэлтийн тогтолцоог бий болгох, Насанд хүрээгүй хүүхэд жирэмсэн болсон тохиолдолд авах хариуцлагын тогтолцоог тодорхой болгох,Сэтгэл зүй, нийгмийн хамгааллын цогц үйлчилгээг хүртээмжтэй болгох шаардлагатай байна гэдгийг ч мөн онцоллоо. Түүнчлэн УИХ-ын гишүүн Т.Мөнхсайхан Эрүү мэндийн салбарын зардлын талаар Сангийн сайд З.Мэндсайханд хандан АСУУЛГА тавьсан. Ингэхдээ, 1. Эрүүл мэндийн салбарын төсвийг нэмэгдүүлэх бодлого нь дунд хугацааны төсвийн хүрээний мэдэгдэлд ямар зарчим, шалгуур үзүүлэлтэд үндэслэн ямар тооцооллын аргачлалд тулгуурлан төлөвлөсөн талаар дэлгэрэнгүй мэдээлэл;2. "Монгол Улсыг 2026-2030 онд хөгжүүлэх таван жилийн үндсэн чиглэл"-д эрүүл мэндийн салбарын төсвийг 2027 онд Дотоодын нийт бүтээгдэхүүний 5 хувьд хүргэх зорилтыг тусгасан, дээрх зорилтыг хэрхэн хангах талаарх тооцоо, төлөвлөлтийн талаар;3. Эрүүл мэндийн салбарын ажилтнуудын цалингийн нэмэгдлийг хэрэгжүүлэхтэй холбоотойгоор Сангийн яамнаас тооцоолж буй төсөв, бодлогын байр суурь, уг нэмэгдлийг санхүүжүүлэх эх үүсвэр, төсвийн хүрээнд хэрэгжих боломж, дунд хугацаанд тогтвортой хадгалах санхүүгийн чадавхын талаар АСУУЛГА тавьсан юм. Тус АСУУЛГЫН хариуг дараах байдлаар ирүүлсэн байна.