Дундговь аймгийн Ардчилсан намын дотоод сонгууль амжилттай болж өндөрлөлөө

Дундговь аймгийн АН-ын даргаар Бямбаагийн Лхагвамандал, Дэд даргаар Лхагвасүрэнгийн Доржбат нар сонгогдлоо. Б.Лхагвамандал нь 2012 оноос Эрдэнэдалай сумын АН-ын даргаар, 2013-2016 болон 2020-2024 онуудад Эрдэнэдалай сумын Засаг даргаар ажиллаж байсан туршлагатай. 2017-2020 он хүртэл Дундговь аймгийн Ардчилсан намын ХЭГ-ын даргаар ажиллаж байсан бөгөөд 2016-2020, 2020-2024, 2024 оноос одоог хүртэл Дундговь аймгийн ИТХ дахь АН-ын бүлгийн даргаар тус тус ажиллаж байна. Аймгийн ИТХ-д 3 удаа сонгогдон ажиллаж байна. Л.Доржбат нь 2012-2020 оныг хүртэл Нийслэлийн Хан-уул дүүргийн ЗДТГ-т Эдийн засаг, төлөвлөлтийн хэлтсийн даргаар, 2020-2024 онд Дундговь аймгийн ЗДТГ-ын даргаар ажиллаж байсан туршлагатай. 2024 оноос Дундговь аймгийн ИТХ-д төлөөлөгчөөр сонгогдон ажиллаж байна. Шинээр сонгогдсон дарга нартаа Ардчилсан намын гишүүд, дэмжигчдийнхээ нийтлэг эрх ашгийг хангаж, идэвхи зүтгэл гарган манлайлан ажиллахыг хүсье.