Д.Энхтүвшин: 2025 оны төсвийг ДНБ-ний 35 хувьтай тэнцэх хэмжээтэй баталсан нь олон боломжийг нээж өгсөн

Энэ удаагийн УИХ-ын чуулганаар 126 гишүүнтэй парламент анх удаа бүрдэж, олон асуудлуудыг яаралтай, ачаалал өндөртэй хэлэлцсэний нэг нь улсын төсөв. Анх 2025 оны төсвийг Ерөнхийлөгчийн хоригийн дагуу дахин хэлэлцэж, ДНБ-ий 37 хувьтай тэнцэхээр байсан төсвийг, ДНБ-ний 35 хувьтай тэнцэх хэмжээнд бууруулж баталсан. Ингэснээр хувийн хэвшлийн орон зайг нэмэгдүүлэх, төсвийг тодорхой хэмжээгээр багасгах, дээр нь уул уурхайн баялгаас бий болсон орлогыг хуримтлал руу шилжүүлэх, энэ бололцоо боломжуудыг нээж байгаа юм. Түүнчлэн улс орны нийтлэг эрх ашигт тулгуурлан нийт 2.4 их наяд хэмнэлт хийсэн. Төсөвт: Төрийн албан хаагчдыг чадварлаг, цомхон болгох Цэцэрлэг, сургуулийн санхүүжилт, хүртээмжийг нэмэх Хорт хавдартай тэмцэх арга хэмжээний төсвийг нэмэх, эмнэлэг барих зэрэг саналуудыг оруулсан. Цаашдаа төсөв алдагдалгүй байх сайн жишиг тогтож байгаа юм.