Монголын төр өнгөрсөн үеийн алдаагаа засаж, 1 нас хүрээгүй үрээ алдаж, одонгоо авч чадаагүй 27,000 гаруй ээжид ОДОНГ нь олгоно

Эх хүн аминаасаа амь ургуулж үрээ төрүүлдэг. Арван сар хэвлийдээ үрээ тээж төрүүлдэг эх хүний алдар ямар нэгэн цаг хугацаа, ямар нэгэн өөр хэмжүүрээр хэмжигдэх ёсгүй! Хүний амьдралд зовлон жаргал, баяр гуниг ээлжилдэг хорвоо. Хэвлийдээ тээж төрүүлсэн үр нь эндэх, ой ч хүрэлгүй орчлонгоос буцаж насан туршдаа шаналж, цөхөрч харуусаж яваа ээжүүд цөөнгүй бий. Эх хүн үрээ 1 нас хүрсэн, хүрээгүйгээр нь ялгаж хайрладаггүй шиг, төр ээжүүдээ ялгаварлаж яавч болохгүй. Иймд Монголын төр өнгөрсөн үеийн алдаагаа засаж, 1 нас хүрээгүй үрээ алдаж, одонгоо авч чадаагүй мянга мянган ээжүүддээ мэхийн ёслох учиртай. Иймд Олон хүүхэд төрүүлж өсгөсөн эхийг урамшуулах тухай хуульд онцгой анхаарал хандуулна гэж УИХ-ын дарга С.Бямбацогт онцолсон. Тодруулбал, Улсын Их Хурлын гишүүн Д.Үүрийнтуяа нарын гишүүд хүүхэд нь 1 нас хүрээгүй нас барсан, мөн бага хүүхэд нь 1 нас хүрээгүй бол эхийг нь урамшуулалд хамруулдаггүй хуулийг өөрчлөх хуулийн төслийг 2025.06.24-ний өдөр өргөн мэдүүлж, УИХ-ын чуулганы өнөөдрийн хуралдаанаар хуулийн төслийн анхны хэлэлцүүлгийг хийлээ. Одоо мөрдөж байгаа Олон хүүхэд төрүүлж өсгөсөн эхийг урамшуулах тухай хуулийн зохицуулалтаар урамшуулал авах болзолд “бага хүүхэд нь 1 нас хүрсэн байх”, “нас барсан хүүхэд нь 1 ба түүнээс дээш настай байсан байх” зэрэг нөхцөл тавигдаж байгаа. Энэ нь хүний эрхийн зөрчил үүсгэж, хүүхдийг насаар нь ялгаварлан гадуурхах нөхцөл бүрдүүлсэн тул засах шаардлагатай гэж хууль санаачлагчид үзсэн юм.Олон хүүхэд төрүүлж өсгөсөн эхийг урамшуулах тухай хуульд өөрчлөлт орвол 27,000 гаруй эх шинээр одон авнаМонгол Улсад жил бүр дунджаар 75,000–80,000 хүүхэд шинээр мэндэлдэгНийт төрөлтийн 3-4 орчим хувьд хүүхэд 1 нас хүрэхээс өмнө нас барж, мөн тооны ээжүүд эхийн алдар одон болон одонгийн урамшуулалд хамрагдаж чаддаггүй Энэ нь ойролцоогоор жилд 2,500-3,000 эх хуулийн хязгаарлалтын улмаас тэгш эрх эдлэх боломжоо алдаж байгаа үзүүлэлт юм Хууль батлагдсанаар өмнө нь урамшуулал авч чадаагүй 27,000 гаруй эхийн хувьд дахин судлагдаж, урамшуулалд хамрагдах боломж бүрдэнэХуулийн төсөлд:“Бага хүүхэд нь 1 нас хүрсэн”, “Нас барсан хүүхэд нь 1 ба түүнээс дээш настай” гэсэн хязгаарлалтыг хасахаар тусгав. Өөрөөр хэлбэл, хүүхэд нь нэг нас хүрэхээс өмнө эндсэн тохиолдолд тухайн эхийг урамшууллаас хасдаг зохицуулалтыг өөрчилнө.Мөн хуулийн төслийг УИХ-ын нэгдсэн чуулганаар хэлэлцүүлэх чиг үүрэг бүхий ажлын хэсгээс: “Тэр үед 3 хүртэлх насанд” гэсэн нөхцөлийг хасч өөрчиллөө.Түүнчлэн тэрбээр Улсын Их Хурлын эмэгтэй гишүүний хувьд гэр бүлийн хөгжлийг дэмжих, эх, хүүхдийн нийгмийн баталгааг бэхжүүлэх, олон хүүхэдтэй өрхийг дэмжих, хүн амын өсөлтийг бодлогоор дэмжих эрх зүйн орчныг боловсронгуй болгоход чиглэсэн санаачилга, хууль тогтоомжийг тууштай дэмжин ажиллахаа илэрхийлэв. Энэ хүрээндээ Улсын Их Хурлын гишүүдийн хамтаар хүүхэд, гэр бүлийн хөгжлийг бодлогын түвшинд дэмжих, эрх зүйн орчныг боловсронгуй болгох зорилго бүхий “Хүүхэд, гэр бүлийн хөгжлийг дэмжих бүлэг”-ийг байгууллаа. Уг бүлгийг дэмжиж 58 гишүүн гарын үсэг зурсан бөгөөд гэр бүлийн, хөгжил, хамгаалал, эрх зүйн орчныг боловсронгуй болгох чиглэлд бодлогын түвшинд анхаарч ажиллах юм.