Хүртээмжтэй төлөвлөлт хүн бүрд хамааралтай…

Энэ залууг В.Ойдов гэдэг. Пассив нийтэд хүртээмжтэй орон сууц төслийн үүсгэн байгуулагч. Яг жилийн өмнө Гэр бүл, хөдөлмөр, нийгмийн хамгааллын сайдаар ажиллаж байхдаа В.Ойдовын гэрт зочилж, эрчим хүчний хэмнэлттэй амины орон сууцны шийдэлтэй  танилцаж байлаа. Тэрээр өөрийн шийдлээр барьсан амины орон сууцандаа сард 60 мянган төгрөгийн цахилгааны төлбөр төлөөд цэвэр, бохироо бүрэн шийдсэн байсан. Яг ийм загварын эрчим хүчний хэмнэлттэй 60 мкв орон сууцыг дунджаар 100 сая төгрөгийн өртгөөр барих боломжтой талаар танилцуулж байв. Төрийн зүгээс ганцхан нийтийн орон сууцны барилгад ач холбогдол өгөлгүйгээр, эрчим хүчний хэмнэлттэй амины орон сууцанд ИПОТЕКИЙН 6 ХУВИЙН зээл гаргадаг байвал эрэлт хэрэгцээ маш их байгааг хэлсэн. В.Ойдовоос ойрын хугацаанд яаралтай уулзах хүсэлт ирлээ. Миний ойрд суугаад байгаа Орон сууцны зээлийн орчныг сайжруулж, урт хугацааны зөв схем гаргах ажилтай холбоотой байв. Хүртээмжийн асуудлыг өргөн хүрээнд харах. Үнэхээр хөгжлийн бэрхшээлтэй иргэд гэлтгүй бүх хүнд энэ асуудал холбоотой. Товчхондоо бол хүртээмж гэдэг нь барилга, орчин, үйлчилгээ гээд бүх хүнд саадгүй, аюулгүй, өөрөө бүхнийг хийчих боломж олгохыг хэлнэ. Тээвэр ба хотын хүртээмж, Хот ба орон сууцны хүртээмж гээд задалж яривал их зүйл бий. Орчин үеийн хотын төлөвлөлт, хотхоны төлөвлөлт, зам талбайн төлөвлөлт бүхий 3D хөдөлгөөнтэй зургууд үзүүлдэг болсон. Амьдрал дээр биелсэн ажилтай нь тулгаж үзэхэд гомдмоор. Муугаар хэлбэл гоё зургаар хуураад маш муу гүйцэтгэлээр мөнгө идэх аргаа болгосон жишээ олон бий. Хөгжлийн бэрхшээлтэй иргэдэд зориулсан хашлага, налуу зам, бидний мэддэггүй тэр стандарт алга болсон байдаг. Анхны танилцуулга дээрээ хөгжлийн бэрхшээлтэй иргэдэд ээлтэй гэж ямар их ярьсан бол. Үүнийг цэгцлэхэд Хөгжлийн бэрхшээлтэй хүний зовлон жаргалыг мэддэг үг, үйлдэл үнэхээр чухал юм шүү. В.Ойдов маань энэ асуудлыг хөндөж, төрд төслөө танилцуулахад намайг хань татжээ. Нийслэлийн дүүргээс сонгогдсон Н.Алтаншагай гишүүнд В.Ойдовынхоо хэрэгжүүлэхээр зорьж яваа ажлыг танилцууллаа. Хот байгуулалт, барилга, орон сууцжуулалтын яамны Төрийн нарийн бичгийн дарга М.Баяраатай хамт уулзаж, Орон сууцжуулалтын бодлого боловсруулах ажлын хэсэгт В.Ойдовыг оролцуулж байх, басхүү Хот төлөвлөлтийн хүртээмжийн талаар боловсруулын концепцийг нь цаг гаргаж судлахаар боллоо. В.Ойдовтоо амжилт хүсье.