Ц.Туваан: Төвийн бүсийн 72,853 сурагчид захидал хүргүүллээ

Хүүхдэд чиглэсэн ажил зөвхөн сургууль, сурах бичиг, тоног төхөөрөмжөөр хязгаарлагдахгүй. Хүүхдэд “Чиний бодол чухал. Чиний мөрөөдөл үнэ цэнтэй. Чамайг сонсох хүн байна” гэдгийг мэдрүүлэх нь тэдэнд өгч буй хамгийн үнэ цэнтэй дэмжлэгийн нэг гэж боддог.УИХ-ын гишүүн Ц.Туваан Д.Батбаяр, С.Эрдэнэболд нарын хамт хүүхэд, өсвөр үеийнхэнд чиглэсэн ажлынхаа хүрээнд сурагчидтайгаа захидлаар харилцах уламжлалыг жил бүр үргэлжлүүлж байна.Энэ нь зөвхөн захидал илгээх тухай биш. Сурагч дүү нарынхаа боловсрол, суралцах орчин, хүсэл мөрөөдөл төдийгүй тэдний үзэл бодол, ирээдүйн тухай төсөөлөл, сэтгэл зүрхийг нь сонсохыг зорьж буй харилцаа юм.Энэ жилийн хувьд төвийн бүсийн төрийн болон хувийн өмчийн 93 ерөнхий боловсролын сургуулийн I–XII ангийн нийт 72,853 сурагчид захидал хүргүүллээ.Хүүхдүүдээс ирсэн захидлыг унших бүрдээ тэдний хүсэл мөрөөдөл, санаа бодлыг илүү сайн ойлгож, дэвшүүлсэн санал, хүсэлтийг нь бодит ажил хэрэг болгохыг чухалчилдаг.Өнгөрсөн хугацаанд сурагчдаас ирсэн захидал, саналын мөрөөр багшийн цалин, суралцах орчин, цахим болон сургалтын тоног төхөөрөмж, цэцэрлэгийн орчин нөхцөл, мэргэжил, сургалт үйлдвэрлэлийн төвд суралцаж буй залуусын хэрэгцээ зэрэг олон асуудлыг улсын төсөв, хөрөнгө оруулалтаар шийдвэрлэн хэрэгжүүлж ирсэн.Энэ жилийн захидал зөвхөн сурагчдад зориулагдаагүй хүүхдийнхээ ирээдүйд хамгийн ойр байдаг аав, ээж, эмээ, өвөө, ах, эгч, багш, сурган хүмүүжүүлэгчид, сургуульд ажиллаж буй нийт ажилтан, албан хаагчдад хандан хүүхдийн боловсрол, хүмүүжил, ирээдүйн талаар санал бодлоо хуваалцсан.72,853 СУРАГЧИЙН 72,853 МӨРӨӨДӨЛХарин хамгийн чухал нь бид хүүхдүүдээсээ хариу захидал хүлээж байна.“Та нар юу хүсэж байна вэ?Юуг өөрчлөөсэй гэж бодож байна вэ?Ямар мөрөөдөлтэй явдаг вэ?”Эдгээр асуултынхаа хариуг хүүхдүүд өөрсдийн гараар захидал болгон бичиж, бидэнд илгээх юм. Бид хүүхдүүдийнхээ захидлыг зүгээр нэг уншаад өнгөрөх бус, тэнд бичигдсэн хүсэл мөрөөдөл, санал санаачилгыг нь ажил хэрэг болгохын төлөө хичээх ёстой.Мөн энэ жил XII ангиа төгсөж буй 100 сурагчид сургалтын тэтгэлэг олгох ажлыг нэрэмжит сангаар дамжуулан хэрэгжүүлж байна. Хүүхэд бүрийн мөрөөдөл өөр. Гэхдээ тэр мөрөөдөлдөө хүрэхэд нь томчуудын сонсох, ойлгох, дэмжих сэтгэл хамгийн хэрэгтэй.Тиймээс 72,853 сурагчид хүрч буй энэ захидал бол зүгээр нэг захидал биш. 72,853 өөр өөр мөрөөдөл рүү илгээж буй итгэл, дэмжлэгийн захидал юм. Хүүхдүүдийнхээ захидлыг хүлээж байна.Мөрөөдлийг нь сонсож, боломжийг нь дэмжиж, ирээдүйг нь хамтдаа бүтээхийн төлөө