Н.Учрал: Эдийн засаг хөгжлийн яам 100 хоногт цаасанд дарагдсан бизнест эрх чөлөө олголоо

Г.Занданшатарын Засгийн газар байгуулагдаж, үйл ажиллагаагаа явуулаад даруй100 хоног боллоо. Энэ хугацаанд хийж хэрэгжүүлсэн ажлынхаа тайланг танилцуулж байна. Эдийн засаг, хөгжлийн яам 100 хоногтГаалийн нийтлэг журмыг 100 хоногийн дотор шинэчилж цахимжуулав. Гаалийн байцаагчийн хяналт шалгалт хийж дуусах хугацааг тодорхой болгож өглөө. Гаалийн бүрдүүлэлтийг цахимд шилжүүлж улсын байцаагчийг системээс сонгодог боллоо.Төрд байгаа мэдээлэл дэхь их өгөгдөл ашиглан хөрөнгө зарцуулахгүйгээр өөрчлөлт хийлээ. Зөвшөөрөл олгох үйл явцыг цахимд шилжүүлснээр хуулиас давсан 59 журмыг цуцаллаа. Зөвшөөрлийн нэгдсэн санд байршсан 371 зөвшөөрлөөс 321 зөвшөөрлийг цахим хэлбэрээр авах боломжтой боллоо. Одоо төр өөрт байгаа мэдээллээ иргэн ААН-ээс шаардаж давхар нотариатаар батлуул гэдэг шаардлага тавихгүй. Энэ бол их өгөгдөлд суурилсан хөрөнгө зарцуулахгүйгээр шийдэж чадсан шийдлүүд байлаа. Ерөнхий сайд Г.Занданшатарын захирамжаар байгуулагдсан ажлын хэсэг 100 хоногийн дотор бизнесийн орчинд зөвшөөрөл хяналтын цахим системийг нэвтрүүлж цаасанд дарагдсан бизнест эрх чөлөө олголоо.