М.Бадамсүрэн: "Аварга малчин"-ы үзүүлэлтийг эдийн засгийн өгөөжийг нэмэгдүүлсэн байдлыг нь харгалзахаар шинэчиллээ

Монгол Улсын Үндсэн хуулийн 5 дугаар зүйлийн 5.5-т “Мал сүрэг бол үндэсний баялаг мөн бөгөөд төрийн хамгаалалтад байна” гэж онцлон заасан байдаг.Тиймдээ ч "Хэл, хил, мал гуравтай бол хэн баян бэ? Монгол баян" гэж Зундуйн Дорж найрагч нэгэн цагт дуу алдаж байсан бизээ."Малтай монгол баян" гэдэг ойлголт орчин цагт мянган малтай байснаараа бус мянган мал зарж чадсанаар тодорхойлогдох болж.Монгол Улс жил бүр Цагаан сарын баярыг угтаж "Улсын аварга малчин"-г тодруулдаг уламжлалтай.Энэ үйл явц УЛСЫН АВАРГА МАЛЧИН ӨРХ, УЛСЫН ХОШОЙ АВАРГА МАЛЧИН ӨРХ ШАЛГАРУУЛАХ ЖУРАМ-аар зохицуулагдана.ХХААХҮ-ийн сайд М.Бадамсүрэн тус журамд өөрчлөлт оруулж буйгаа Засгийн газрын хуралдаанаар танилцууллаа.Улсын аварга малчныг шалгаруулахад малын ашиг шим, төлсөн татвар, малынхаа үүлдэр угсааг сайжруулсан байдал, олсон орлогын хэмжээ буюу эдийн засгийн үр өгөөжид илүүтэй анхаарч, бэлчээр хамгаалах чиглэлийг шалгуурын гол үзүүлэлт болгохоор шинэчилжээ. Тодруулбал, 2000 малчин өрх тутмаас нэг улсын аварга шалгаруулах бөгөөд төлсөн татварын хэмжээ, малын үйлдэр угсааг сайжруулсан байдал, мал аж ахуй эрхэлж олсон орлогын хэмжээг нь харгалзаж үзэхээр болж байна.Малаас 3 төрлийн бүтээгдэхүүн гардаг. Үүнд:МахАрьс, ширДотор эрхтэн, дайвар бүтээгдэхүүн, толгой шийр гээд. Эдгээрийг олон янзаар боловсруулж худалдан борлуулснаар эдийн засгийн эргэлтэд оруулж, амьжиргаагаа дээшлүүлэх бололцоог малчдад бий болгож өгөхөд тус журмын өөрчлөлт чиглэж буй юм.Үүгээр зогсохгүй аваргуудад олгодог дагалдах шагнал монгол гэр байсныг хөдөлмөр хөнгөлсөн дэвшилтэт техникийг нэвтрүүлэх, өвлийн хашаа барих зэргээр сонголттой болгосон нь бизнесмэн малчныг бодитоор дэмжин урамшуулахад оновчтой дэмжлэг болохыг онцлох нь зүйтэй.