М.Бадамсүрэн: Хаврын тариалалтад шаардлагатай шатахууны асуудлыг шийдээд байна

Ойрх Дорнодын нөхцөл байдалтай холбоотойгоор Монгол Улсад нийлүүлэх шатахууны импортод эрсдэл үүсээд буй энэ үед хаврын тариалалт, намрын ургац гээд тариалангийн салбарт ид ажил өрнөнө.ХХААХҮ-ийн сайд М.Бадамсүрэн нөхцөл байдал, яамны зүгээс авч хэрэгжүүлж буй арга хэмжээний талаар мэдээлэл өглөө.Хаврын тариалалт, зуны арчилгаа боловсруулалт, намрын ургац гээд нийт 20-иод мянган тонн дизель түлш шаардлагатай гэсэн тооцоолол манай яамнаас хийсэн. Үүнийг зохицууулахаар хэд хэдэн арга хэмжээ авч, үндсэнд нь шийдлээ. Хүнсний ногооны үрийн хангамжийн хувьд хэвийн байгаа. Төмсний үрийн хувьд дутагдалтай байгаа. Дутагдаж байгаа үрийг импортоор хөнглөлттэй зээлээр оруулж ирэх зохион байгулалтыг хийж байна. Харин ургамал хамгааллын бодис, бордоо зэрэгт экспортлогч орнуудын хязгаарлалт тавигдсан. Гэхдээ манай улсын хувьд энэ төрлийн бүтэгдэхүүн дээр тодорхой хэмжээнд нөөцөлсөн. Зарим дутагдаж байгаа дээр нь импортын зохицуулалт хийнэ.