“Тоон тойм” нэвтрүүлгийн энэ удаагийн дугаарт Барилгын үндэсний ассоциацийн гүйцэтгэх захирал Г.Түмэнжаргал оролцлоо.

- Тэр болгон иргэдийн ялгаад байхгүй өртөг, зарлагын ялгаатай асуудал харагдаж байна. Өртөг гэдэг бол барилга барьж байгаа захиалж байгаа компанийн өртөг, үнэ гэдэг бол хэрэглэгчдэд хэрэгтэй эцсийн үнэ. Гэтэл өртөг өсөөгүй байхад үнэ нэмэгдээд байна уу гэсэн хардлага нийгэмд байна. Учир нь өртгийн талаар тодорхой тоон судалгаа байхгүй байна. тэгэхээр үүнийг тооцдог судалгаа яагаад хийгдэхгүй байна. Танай байгууллага хийж байна уу?

Ер нь зах зээл дээр үл хөдлөх хөрөнгийн зарим нэг компаниуд орон сууцны нийлүүлэлтийн судалгаа хийдэг. Үүнийг хийхдээ үнийн өсөлт ямар байгааг судалдаг. Энэ бол орон сууцны үнийн асуудал. Манай барилгын үндэсний ассоциаци бол иж бүрэн судалгаа хийж байгаа. Үүнд орон сууцны үнэд нөлөөлж байгаа хүчин зүйл, өртөгт нөлөөлж байгаа хүчин зүйл гэдгийг хоёр хувааж судалгаа хийж байгаа. Тэгэхээр өртөгт юу нөлөөлж байгаа тодорхой судалчихвал дараа жилээс энэ асуудалд бодитой тоо гарах болно.

Үнэд нөлөөлж байгаа хүчин зүйл бол эрэлт бусад макро эдийн засгийн нөлөөлөл орж ирнэ. Хэрвээ өртөгт ямар нэгэн нөлөөлөл байхгүй байхад үнэ өсч байвал тухайн үл хөдлөх хөрөнгийн эрэлт нь их байна гэсэн ойлголт гарч ирнэ. Гэхдээ энэ талын судалгааг иж бүрнээр нь хийхгүйгээр мэдээлэл өгөх нь нийгэмд буруу ойлголт өгөх магадлалтай.

- Орон сууцны Үнийн индексийн судалгаа хийж байгаа гэсэн энэ тооцоог гаргаад ирвэл нийгэмд, эдийн засагт ямар ач холбогдолтой вэ? ийм судалгаагүй байсны сөрөг талыг хангалттай харж байна.

Орон сууцны үнийн индексийг бол бусад хөгжсөн орнуудад урт хугацаагаар нь хийсэн байдаг. Статистикийн төв 2009 оноос эхлэн орон сууцны үнийн индекс гаргаж тодорхой аргачлалыг гаргаад, батлуулаад явдаг. Тэрний яг бодитой зах зээл дээр байгаа мэдээллийг цуглуулах ажил бага зэргийн учир дутагдалтай байсан байгааг харж байгаа.

Аргачлалын хувьд бол харьцангуй сайн боловсруулж байгаа. Яг зах зээл дээр хувийн хэвшлийнхэн маш их орон сууцыг нийлүүлж байдаг. Тэр хурдыг гүйцэж чадахгүй мэдээлэл цуглуулалтад асуудал байсан болов уу гэж харж байгаа. Одоо тодорхой санхүүжилтээр орон сууцны үнийн индекс хийгдээд 12 сард гарна.

Үргэлжлэлийг бичлэгээс....

Г.Түмэнжаргал: Орон сууцны үнийн индекс удахгүй гарна