Өнгөрсөн Баасан гаригт Монголын банк бус санхүүгийн салбарынхан 2016 оны шилдгүүдтэй танилцах аялал хийлээ.

Энэхүү танилцах аялалд 70 гаруй банк бус санхүүгийн байгууллагын удирдлага, менежерүүд оролцсон бөгөөд 2016 оны шилдгийн шилдэг банк бус БИД, Нийгмийн хариуцлагатай Вишн Фонд, Шилдэг бүтээгдэхүүн үйлчилгээтэй “Очир-Ундраа ОМЗ”, Шилдэг хөрөнгө оруулалттай АБТС, гэсэн 4 банк бус санхүүгийн байгууллагуудын үүдийг татаж, туршлага солилцож, салбарынхаа хөгжилтэй хөл нийлүүлэн алхлаа.

Бичил санхүүгийн зах зээлд тэргүүлэх байр суурийг эзэлдэг эдгээр дөрвөн банк бус санхүүгийн байгууллага нь нийгмийн хөгжилд өөрсдийн потенциаль, цар хүрээллийн дагуу хэрэгжүүлж байгаа санхүүгийн бүтээгдэхүүн үйлчилгээний талаар тодорхой мэдээллийг хүргэсэн юм.

БИД ББСБ нь тогтвортой санхүүжилтийг дэмжих бодлогын хүрээнд нийгэм олон нийтийн эрх ашигт харшлаагүй, зөв менежмент агуулсан зээлийн хүсэлтийг хүлээн авч ажилладаг байгууллага, зөв хандлагатай хэрэглэгч, үйлчлүүлэгчдэд санхүүгийн түргэн тусламжийг хүргэж, бага орлогтой иргэдэд хүүний дарамтгүй, харицлагатай санхүүгийн үйлчилгээг хүргэх чиглэлд анхааран ажиллаж байна. БИД ББСБ илэрхийллээ.

БИД ББСБ нь зөвийг санхүүжүүлнэ гэсэн уриаг дэвшүүлж санхүүгийн түргэн тусламж хэрэгтэй байгаа үйлчлүүлэгчээ зөв байхыг, зөв хандлага, зөв дадал зуршилтай байх шаардлагыг тавьж ажиллаж байна.

Вишн фанд ББСБ нь орлого багатай, өрхийн аж ахуй, жижиг дунд үйлдвэрлэл эрхлэж байгаа иргэдэд санхүүгийн үйлчилгээгээ чиглүүлдэг талаар танилцууллаа. Вишн фанд ББСБ нь 100 аад ажилтантай бөгөөд төвийн бүсийн Дархан, Эрдэнэт, Сэлэнгэ, Төв, Булган, Архангай зэрэг аймгуудад салбаруудтай. “Дэлхийн зөн” ОУБ тай нягт уялдаатай ажилладаг бөгөөд ядуурал, ажилгүйдлийг бууруулхад хүү багатай санхүүгийн дэмжлэг үзүүлэхэд анхааран ажиллаж байна.

Вижн фанд ББСБ -н онцлон хэлсэн зүйл гэвэл, орлого багатай, ядуу гэгдэж байгаа иргэд хамгийн сайн эргэн төлөгч байдаг, бид зээлдэгч нартайгаа нөхөрсөг хариуцлагатай харилцааг эрхэм болгож тэдний бүхий л үйл ажиллагаанд зөвлөгөө тусламжийг хүргэж ажилладаг гэлээ. Зээлдэгчдийн 40-50 хувьд барьцаа хөрөнгөгүй зээл олгосон байна.

Монголын эдийн засгийн тэргүүлэх салбар уул уурхай, барилга хот байгуулалтын чиглэлд түлхүү хөрөнгө оруулалтыг хийж байгаа “Очир Ундраа” ББСБ нь хэрэглэгчдэд санхүүгийн сахилга бат, эргэн төлөлт, дахин зээлжих боломж зэрэг мэдээллийг цаг хугацаа алдалгүй хүргэж чаддаг шинэ апликэшн үйлчилгээгээ бид бүхэнд танилцуулав.

Энэхүү ухаалаг үйлчилгээг зөвхөн харилцагч, хэрэглэгчдийн хүрээнд ашигладаг. Түүнчлэн итгэлтэй байнгын үйлчлүүлэгчтэй болох талаар зөвлөлөө. Учир нь Очир Ундраа нь нилээд олон тэрбумын актив хөрөнгөтэй бөгөөд 200 гаруй харилцагчийн хүрээнд бүх актив нь зах зээлд эргэлдэж байгаа нь итгэлтэй байнгын хэрэглэгчтэй болсны тод жишээ юм.

2016 оны шилдэг хөрөнгө оруулалттай АБТС ББСБ нь санхүүгийн зах зээлд хөрөнө босгох талаар жижиг банк бусын удирдлагуудад үр өгөөжтэй зөвөлгөөг хүргэж чадлаа. Хувьцааг хаалттай гаргах, бонд арилжаалах, гадны банкнаас зээл авхад анхаарах асуудлууд дээр төвлөрч харилцан ярилцав.

Бичил санхүүжилтийн эцсийн зорилго нь зах зээл дэх овор багатай мөнгөн урсгалыг хэрэгцээтэй массд чиглүүлж улс эх орны хөгжил дэвшилд чухал нөлөөтэй байдаг. Бага дунд орлогтой иргэдэд санхүүгийн тохиромжтой үйлчилгээг хүргэснээр ядуурал, ажилгүйдэл буурах эх үндэс болдог. Монголын банк бус санхүүгийн байгууллагуудын холбооны гол зорилго бол бичил санхүүгийн хариуцлагатай үйлчилгээг иргэдэд хүргэхэд анхаарч гишүүн байгууллагууддаа чадваржуулах, бодит хөгжлийг эрэлхийлж ажиллаж байна.

Б.Баярсайхан

ББСБ-ууд туршлага солилцлоо