УИХ-ын гишүүн А.Сүхбат Монголын үндэсний бөхийн асуудлаар мэдээлэл хийлээ. Өнгөрсөн Баасан гарагт талууд эв зүйгээ олохоор уулзалдаж, эвлэрлийн гэрээ байгуулахаар болсон ч Дархан аварга Б.Бат-Эрдэнэ татгалзсан гэнэ.

А.Сүхбат: Хоёр тал эвлэрлийн гэрээ байгуулъя гэж саналуудаа нэгтгээд, гарын үсэг зурах түвшинд хүрсэн. Гэтэл Өсөхбаяр, Мягмарсүрэн, Рагчаа гурав Б.Бат-Эрдэнэ аваргатай уулзаж, зөвшилцөөд өглөө 8 цагт уулзана гэсэн. Гэтэл өглөө Б.Бат-Эрдэнэ аварга зөвшөөрсөнгүй, баяр наадмын дараа болъё гэсэн хариу өгсөн. 

Б.Бат-Эрдэнэ: Талууд эвлэрлээ гэх мэдээллүүд яваад байна. Анхнаасаа зөрчилдөөд байгаа юм байхгүй. Монгол бөхийн жудаг гэж байдаг. Бид нараас хичнээн зуун жилийн өмнө уламжлаад ирсэн. 3 сарын 24-нөөс хойш тавьж байгаа бүх саналуудыг бүгдийг хүлээж аваад өнөөдрийг хүртэл явж байна.