2020.10.20
Үйлдвэр, Хөдөө Аж Ахуй, Хүнс

Т.Аубакир: Газар тариалан, МАА салбарууд бие биеэ "идэж" байна

УИХ-ын Байгаль орчин, хүнс, хөдөө аж ахуйн байнгын хорооны өнөөдрийн /2020.10.20/ хуралдаанаар Мах бэлтгэл, махны үйлдвэрлэл түүний орчин, нөхцөл, чанарын хяналт, шалгалт хийх үүрэг бүхий ажлын хэсэг, Зөвлөлдөх санал асуулга зохион байгуулахад туслалцаа үзүүлэх үүрэг бүхий ажлын хэсэг байгуулах тухай болон “Зөвлөлдөх зөвлөлд нэр дэвшигчийг бүртгэх тухай” Байнгын хорооны тогтоолын төслүүдийг хэлэлцлээ. Байнгын хорооны гишүүд тогтоолын төслүүдтэй холбоотойгоор ажлын хэсгийн гишүүдээс асуулт асуулаа.

УИХ-ын гишүүн Т.Аубакир:

“Өнөөдөр Монгол Улсын бүх аймгуудад бэлчээрийн асуудал хүнд байгаа. Ялангуяа газар тариалангийн бүс нутагт бэлчээр төдийгүй тариалангийн газраа ч идэж байна. Ингээд МАА, Газар тариалан гэсэн 2 том салбар маань нэг нэгнээ идээд дууслаа.

Цөлжилт хойшоогоо Орхон голд тулаад зогсчихсон. Хамгийн их ургац авдаг бүсүүд ч тиймгүй болсон. Гол устгаж байгаа зүйл бол бэлчээрийн МАА. Бид малын тоо толгойноос илүү эдийн засгийн эргэлтэд хурдан ордог эрчимжсэн МАА-г дэмжих нь зөв.

Малын хөлийн татварын тухай хуультай энэ асуудлыг уялдуулах ёстой. Бид татвараар тодорхой хэмжээний зохицуулалт хийх нь зүйтэй. Газар тариалангийн бүс нутгаар зарлагдсан нутгуудад малын хөлийн татвар өндөр байх ёстой гэж үзэж байна. тариаланчид ч тэр, малчид ч тэр энэ төрлийн татварыг тогтоохыг хүссэн. Өвөлжөө, хаваржаа нь ялгагдахаа байсан. Нэг нэгнийхээ өвөлжөөнд очоод буучихдаг. Үүнд яах аргагүй төрийн зохицуулалт хэрэгтэй. Үүний гол хөшүүрэг бол малын хөлийн татвар юм. Газар тариалангийн бүс нутгуудад малын хөлийн татвар 2000 биш 5000-8000 хүртэл байхад нэг их буруудахгүй.

Тариаланч, малчин 2-ын дунд өдөр бүр л ахуйн чанартай маргаан гарсаар байдаг. Ерөнхий сайдыг газар тариалангийн бүсэд ажиллах үед нийт талбайн 30%-ийг мал идчихдэг гэж тариаланчид хэлж байсан. Уринш хийсэн талбайд мал орчихдог. Ингээд тариалалтын үед хөрс эвдэгдээд байгаа юм. Ингээд яах аргагүй 2 том салбар бие биеэ идэж байгаа нь үнэн юм. Бид үүнээс оройтож болохгүй.”

Тэрээр байнгын хорооны хуралдаанд Мах бэлтгэл, махны үйлдвэрлэл түүний орчин, нөхцөл, чанарын хяналт, шалгалт хийх үүрэг бүхий Ажлын хэсэг байгуулах тухай тогтоолын төсөлтэй холбоотойгоор дараах байр суурийг илэрхийлсэн юм.

ШИНЭ МЭДЭЭ

Агаарын бохирдлын талаар цаг үеийн мэдээлэл сонсож, цаашид авах арга хэмжээг тодорхойллоо 2020.12.23
Т. Аубакир: Эрдэм шинжилгээний ажилтнууд нь салбарын яамандаа харьяалагдах хэрэгтэй 2020.12.16
Т. Аубакир: Хүлээн авагч тал Монгол улсаас тогтоосон махны квотыг хүлээж авах уу? 2020.12.16
Т.Аубакир: Хил дээр гацсан хүнсний тээврийг нэвтрүүлэх зохицуулалт хийгээрэй 2020.12.03
Т.Аубакир: Каринтин тавигдмагц урьд өмнөхөөсөө илүү эдийн засаг сайжирна 2020.11.27
Баян-Өлгий аймаг Хүүхэд хамгаалал, хөгжлийн ордонтой болно 2020.11.23
Т.Аубакир: Цар тахлын нөхцөл байдалд тохируулж сайн төсөв баталсан 2020.11.19
Т.Аубакир: Орон нутгийн оюутнуудыг халдваргүй бүсээс халдваргүй бүсэд шилжүүлж болох уу? 2020.11.19
УИХ-ын гишүүн Т.Аубакир 100 хоногт хийсэн ажлаа танилцууллаа 2020.11.16
Т.Аубакир гишүүн Асгатын мөнгөний ордыг эдийн засгийн эргэлтэд оруулах төслийн ажлын хэсгийг ахална 2020.11.10
Т. Аубакир: Асгатын ордыг эргэлтэд оруулах зориг бидэнд байх ёстой 2020.11.10
Т.Аубакир: Хүний эрх хөдөө орон нутагт их зөрчигддөг 2020.11.06
УИХ-ын гишүүн Т.Аубакир тамирчдад баяр хүргэлээ 2020.11.03
УИХ-ын гишүүдэд зориулсан ээлжит сургалтыг зохион байгууллаа 2020.11.03
Үерийн улмаас орон гэргүй болсон 4 өрх шинэ сууцандаа орлоо 2020.10.26
Т.Аубакир: Үндэсний цөөнхийн соёлыг дэмжих тухай ямар заалт, зохицуулалтууд орсон бэ? 2020.10.23
2020 оны эхний 9 сарын байдлаар төсвийн гүйцэтгэл 91.7 хувьтай байна 2020.10.22
Орон нутгуудад төсвийн тэгш хуваарилалт хэрэгтэй байна 2020.10.21
Т.Аубакир: Газар тариалан, МАА салбарууд бие биеэ "идэж" байна 2020.10.20
Байгаль орчин, хүнс, хөдөө аж ахуйн байнгын хорооны хуралдаанаар бэлчээр хамгаалах асуудлаар ажлын хэсэг байгууллаа 2020.10.20