УИХ-ын өнөөдрийн \2020.11.06\  нэгдсэн чуулганаар Монгол Улсын Хүний эрхийн Үндэсний Комиссын болон Эрүү шүүлтээс урьдчилан сэргийлэх асуудал эрхэлсэн гишүүнийг сонгох асуудлыг хэлэлцэж байна. 

Хэлэлцүүлгийн үеэр гишүүд асуулт асууж, саналаа хэллээ.

УИХ-ын гишүүн С.Чинзориг:

ХЭҮК-ын гишүүнээр сонгогдвол өмнө ажиллаж байсан байгууллагын эрх ашгийг хамгаалж битгий хувираасай гэж хүсэж байна. Өмнө нь гарган боловсруулж байсан хууль тогтоомжуудаа хамгаалдаг болж болохгүй. 

Энэ байгууллагыг иргэдийн эрх ашгийг хамгаалдаг байгууллага болгоорой. Хүний эрхийг ойлгуулж таниулах чиглэлээр асар их ажил хийгээсэй гэж хүсэж байна. Хүний эрхийг зөрчиж байгаа хууль тогтоомжуудыг боловсронгуй болгож, сайжруулах чиглэлээр хууль тогтоох байгууллагуудтай дэмжлэгээр нь ажиллаарай. Өргөдөл ирсэн бол л асуудалд ханддаг. Нийгэмд бий болж үүссэн нөхцөл байдал дээр тодорхой байдлаар ажиллаад байдаг сул талууд байна. 

Нийгмийн дунд орлогын тэгш бус байдал хүчтэй явагдаж байна. Хүн амын гурван хүн тутам нь ядуу амьдарч байна энэ тал дээр ХЭҮК-оос дуугардаггүй.  Сонгох сонгогдох эрх нь ноцтой зөрчигдөж байхад ХЭҮК дуу хоолойгоо гаргадаггүй. Хэрэв шинэ гишүүд томилогдвол эдгээр асуудлууд дээр онцгой анхаарал тавьж ажиллахыг хүсье.