МОНГОЛ УЛСЫН ИХ ХУРЛЫН ГИШҮҮН

2022.05.31
Хууль, эрх зүй

Д.Өнөрболор: Фермерүүдийг хөгжүүлэх санхүүгийн эх үүсвэрийг хэрхэн бүрдүүлэх вэ

УИХ-ын Үйлдвэржилтийн бодлогын байнгын хорооны /2022,05,31/-ны өдрийн хуралдаанаар “Хүнсний хангамж, аюулгүй байдлыг хангах талаар авах зарим арга хэмжээний тухай” Улсын их хурлын тогтоолын төслийн анхны хэлэлцүүлгийг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн Д.Өнөрболор: 

Ерөнхийлөгчийн санаачилсан Хүнсний хангамж, аюулгүй байдлыг хангах талаар авах зарим арга хэмжээний тухай Улсын их хурлын тогтоолын төслийг дэмжиж байгаа. Хүнсний аюулгүй байдлыг нэмэгдүүлэх, ялангуяа дотооддоо гол нэрийн бүтээгдэхүүнээр хангах, импортыг орлох, экспортыг дэмжих, дэд бүтцийн төрөөс авах арга хэмжээний хэрэгжүүлэх төлөвлөгөө, зохион байгуулалт маш чухал асуудал.

Үйлдвэржилтийн байнгын хорооноос ажлын хэсэг гарч өнгөрсөн амралтын өдрүүдэд сүүний аж ахуй эрхлэгч иргэд, аж ахуй нэгжийн үйл ажиллагаатай газар дээр нь танилцаж санал, бодлоо солилцоод ирлээ. Тулгамдаж байгаа хэд хэдэн асуудал байна. Фермер болж хөгжихөд бүтэц зохион байгуулалтын болон санхүүжилтийн эх үүсвэр, төрөөс үзүүлэх дэмжлэг дутмаг байгаа нь харагдсан. Сүүний гарц сайтай үйлдвэрийн үхрийг импортлох, түүнтэй холбоотой татварын хөнгөлөлт, чөлөөлөлт мөн чухал байна. Хамгийн гол асуудал нь тэжээл. Үүнийг дагаад газрын асуудал үүсдэг. Эдгээрийг шийдвэрлэхэд бодлогын баримт бичигт туссан хэрнээ хэрэгжилт байхгүй нь бодит байдал дээр харагдсан.

Сэлэнгэ аймаг Монгол улсын 3,3 сая иргэдийн хүнсний хэрэглээг 60 хувь хангадагийн хувьд онцгой бүс гэж авч үзэх шаардлагатай. Энэ аймгийн 16 сумыг газар тариалангийн бүс болгож зарласан. Ингэснээр газар тариалантай эрчимжсэн мал аж ахуйг хослуулан хөгжүүлэх бодлогыг тусгайлах шаардлага байна. Энэ талаар ямар зохион байгуулалтыг хэрэгжүүлэхээр төлөвлөж байна вэ?  

Өнгөрсөн хугацаанд хэрэгжүүлсэн бодлого, хөтөлбөрийн хэрэгжилт хангалтгүй байгааг аудитын байгууллагын тайлангаас харсан. Хэрэгжилт тал дээр илүү судалгаатай, асуудалд бодитой хандсан байх шаардлагатай.

Мөн хүнсний хангамж дээр лабораторийн болон ложистик тээврийн дэд бүтэц нэн тэргүүний асуудал болж байна. Энэ тогтоолоор хэрэгжүүлэх арга хэмжээгээ хэрхэн эрэмбэлж, төлөвлөсөн бэ?

Түүний асуултад ажлын хэсгийн гишүүд хариуллаа. 

ШИНЭ МЭДЭЭ

ХХААХҮ болон байгаль орчин, аялал жуулчлалын салбарт хэрэгжүүлж буй олон улсын төсөл, хөтөлбөрийн хэрэгжилтийн талаарх мэдээллүүдийг сонслоо 2022.12.27
Д.Өнөрболор: Шударга нийгмийг бүтээхийн төлөө дуу хоолойгоо хүргэж ажиллана 2022.12.23
Санхүүжилтийн ерөнхий хэлэлцээрийн төслийг зөвшилцөхийг дэмжиж, хууль, тогтоолын төслүүдийг хэлэлцлээ 2022.12.21
Сэлэнгэ аймгийн Сүхбаатар сумын ИТХ-ын төлөөлөгчид Төрийн ордонд зочиллоо 2022.12.05
БНСУ-ын ‘’СӨҮЛ СҮҮ’’ сүүний үйлдвэрийн үйл ажиллагаатай танилцлаа 2022.11.25
БНСУ-тай эдийн засгийн хамтын ажиллагааг эрчимжүүлэх, үйлдвэрлэлийг хөгжүүлэх чиглэлд хамтран ажиллана 2022.11.23
Төр, хувийн хэвшлийн түншлэлийн тухай хуулийн төслийн анхны хэлэлцүүлгийг хийв 2022.11.16
Сэлэнгэ аймагт 100 тэрбум төгрөгийн төсвөөр 37 төсөл, арга хэмжээ хэрэгжинэ 2022.11.14
2023 оны төсвийн хүрээний мэдэгдлийг хэлэлцлээ 2022.11.10
Хүнсний үйлдвэрлэлийг нэмэгдүүлэх, чанар, аюулгүй байдлыг хангах, хөдөө аж ахуйн үйлдвэрлэлийг дэмжих асуудлаар таван ажлын хэсэг байгуулахаар тогтов 2022.11.10
Д.Өнөрболор: Хүнсний аюулгүй байдлыг хангахад чиглэсэн тодорхой шийдвэр гаргах ёстой 2022.11.03
Монгол Улсын нэгдсэн төсвийн 2023 оны төсвийн хүрээний мэдэгдлийг хэлэлцлээ 2022.11.03
Монгол Улсын 2023 оны төсвийн тухай хуулийн төслийн хоёр дахь хэлэлцүүлгийг явуулж эхэллээ 2022.11.03
Хууль, тогтоолын төслүүдийн анхны хэлэлцүүлгийг хийлээ 2022.11.03
УИХ-ын гишүүн Д.Өнөрболор “Шаамар Питомник” ХХК-ийн хамт олонтой уулзав 2022.10.29
Хотын дарга цахим шилжилтийн төлөвлөгөөг Улаанбаатарчууддаа танилцуулав 2022.10.28
Хүнс, хөдөө аж ахуй, хөнгөн үйлдвэрийн сайд Байнгын хорооноос баталсан тогтоолын хэрэгжилт болон цаг үеийн асуудлаар мэдээлэл хийлээ 2022.10.26
Монгол улс нөөцөд тулгуурласан төлөвлөлтийг хийж ирсэн, үүнийг өөрчлөх нь чухал 2022.10.25
Д.Өнөрболор: Төр хувийн хэвшлийн сонгодог зарчмыг алдагдуулж болохгүй 2022.10.21
1 тэрбум төгрөгийн хөрөнгө оруулалттай “Хүлэмжийн аж ахуй үйлдвэрлэл хөгжлийн парк” ашиглалтад орлоо 2022.10.20