МОНГОЛ УЛСЫН ИХ ХУРЛЫН ГИШҮҮН

Хянан шалгах түр хороо тогтоолууд батлав
2022.11.15
Улстөр

Хянан шалгах түр хороо тогтоолууд батлав

Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг шалгах үүрэг бүхий Улсын Их Хурлын Хянан шалгах түр хорооны өнөөдрийн (2022.11.14) хуралдаан 14 цаг 30 минутад гишүүдийн 75 хувийн ирцтэй эхэлж, хоёр асуудал хэлэлцлээ.

 

Хуралдааны эхэнд “Хянан шалгах түр хорооны шинжээчийн бүрэлдэхүүнд өөрчлөлт оруулах” тухай тогтоолын төслийг хэлэлцэв.

Хянан шалгах түр хорооны 2022 оны 10 дугаар сарын 12-ны өдрийн “Шинжээч томилох тухай” тогтоолоор байгуулсан шинжээчийн бүрэлдэхүүнд өөрчлөлт оруулж, Монголбанкны Хууль, эрх зүйн газрын ахлах мэргэжилтэн Б.Мөнх-Орших, Үндэсний аудитын газрын Аудитын нэгдсэн удирдлага, зохицуулалтын газрын ахлах аудитор Б.Хишигтогтох нарыг Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцын талаар Хянан шалгах үүрэг бүхий түр хорооны шинжээчээр хоёр сарын хугацаагаар томилохоор тогтоолын төсөлд тусгасныг Түр хорооны дарга Б.Энхбаяр танилцуулав.

Тогтоолын төсөлтэй холбогдуулан Улсын Их Хурлын гишүүн Д.Ганбат, Т.Доржханд, Н.Ганибал, Б.Баттөмөр, Ж.Бат-Эрдэнэ нар асуулт асууж, байр сууриа илэрхийллээ.

Ингээд санал хураалт явуулахад хуралдаанд оролцсон гишүүдийн олонх буюу 66.7 хувь нь “Хянан шалгах түр хорооны шинжээчийн бүрэлдэхүүнд өөрчлөлт оруулах” тухай тогтоолын төслийг батлахыг дэмжлээ.

Үргэлжлүүлэн “Хяналт шалгалтын ажлыг эрчимжүүлэх тухай” Түр хорооны тогтоолын төслийг хэлэлцэв.

Уг тогтоолын төсөлд Хянан шалгах түр хорооны хяналт шалгалтыг эрчимжүүлэх үүднээс газар дээрх шалгалтын ажлын хэсгийн бүрэлдэхүүнийг батлах, Ажлын хэсгийн удирдамжийг батлах, хяналт шалгалтын ажлын хэсгийг шуурхай ажиллах боломжоор хангахыг холбогдох төрийн байгууллага болон хувийн хэвшлийн аж ахуйн нэгжүүдэд үүрэг болгох зэрэг асуудлыг тусгасан байна.

Хэлэлцэж буй асуудалтай холбогдуулан Улсын Их Хурлын гишүүн Д.Ганбат, Н.Ганибал нар асуулт, асууж, үг хэлсний дараагаар санал хураалт явуулав.

Түр хорооны хуралдаанд оролцсон гишүүдийн олонх “Хяналт шалгалтын ажлыг эрчимжүүлэх тухай” тогтоолын төслийг батлахыг дэмжсэнээр хуралдаан өндөрлөлөө

ШИНЭ МЭДЭЭ

“Шинэ тойрог зам” төслийн 83 км замыг нэг жилийн хугацаанд барьж байгуулна 2022.12.21
Ж.Сүхбаатар: Хариуцлага тооц, хөрөнгө хураа гэдэг шаардлагатай холбоотой хуульд хэрхэн туссаныг тодруулж өгнө үү 2022.12.15
“Тогтоолын хавсралтад өөрчлөлт оруулах тухай” Улсын Их Хурлын тогтоолын төслийг хэлэлцлээ 2022.12.14
“Зүүн хойд Азийн хотын дарга нарын форум” болов 2022.12.14
Хөгжлийн банкны асуудлаарх хянан шалгах түр хорооны сонсголын тов тогтоож, гэрчээр дуудах хүмүүсийн нэрсийг баталлаа 2022.12.13
Зүүн хойд Азийн хотын дарга нар хүн амын төвлөрлийг сааруулах асуудлыг хэлэлцлээ 2022.12.09
Захиргааны ерөнхий хуульд нэмэлт, өөрчлөлт оруулах тухай хуулийн төслийг эцсийн хэлэлцүүлэгт шилжүүллээ 2022.12.02
Нийтийн тээврийн парк шинэчлэлийн хүрээнд 224 автобус оруулж ирнэ 2022.12.01
Улаанбаатар хотын авто замын түгжрэлийг бууруулах талаар Японы зам гүүрийн инженертэй уулзав 2022.11.30
Жолоочийн даатгалын тухай хууль хэрэгжиж эхэлснээс хойш нийт 230.5 тэрбум төгрөгийн даатгалын хураамж төвлөрүүлжээ 2022.11.30
ТББХ:Тогтоолын төслүүдийг хэлэлцэн шийдвэрлэв 2022.11.29
Улсын дээд шүүхийн шүүгчид нэр дэвшигчтэй нэр дэвшигчийн сонсгол хийлээ 2022.11.29
Чингэлтэй дүүргийн ахмад буурлуудад төрийн дээд одон медаль гардуулав 2022.11.28
Улаанбаатар хот “Зам тээврийн нэгдсэн систем"-тэй болно 2022.11.23
Нээлттэй хором: Нийтийн тээвэрт тулгамдасан асуудал, гарц шийдэл 2022.11.22
Ж.Сүхбаатар: Замын хөдөлгөөний танхайралтай тэмцэх нөхцөл бүрдэж байна 2022.11.21
Улаанбаатар хотын авто замын түгжрэлийг бууруулахад BRT төслийг нэвтрүүлэх нь чухал гэж үзэж байна 2022.11.21
Төрийн бүтээмжийн Үндэсний хорооны анхдугаар хуралдаан боллоо 2022.11.21
Ж.Сүхбаатар: Энэ хуулиар хөгжлийн төсөл хөтөлбөрөө хэрэгжүүлэх боломж олгох ёстой 2022.11.17
Газрыг нөхөн сэргээх, хяналт тавих тогтолцоог бүрдүүлэх хуулийг хэлэлцэхийг хойшлууллаа 2022.11.17