![Хөдөлмөр зүтгэлээрээ манлайлсан Хэнтий аймгийн төлөөллүүдэд шагнал гардуулав](https://vip76.mn/media/news/original/2023/03/21/333d395fd0f6cdf58350af77d25ed464.jpg)
2023.03.21
Боловсрол, Соёл, Шинжлэх Ухаан, Урлаг
Хөдөлмөр зүтгэлээрээ манлайлсан Хэнтий аймгийн төлөөллүүдэд шагнал гардуулав
Монгол улсын Ерөнхийлөгчийн 2023 оны хоёрдугаар сарын 08-ны өдрийн 13 дугаар зарлигаар Хөдөлмөрийн гавьяаны улаан тугийн одонгоор Мөнх-Очирын Түвшинжаргал, 2022 оны 11 дүгээр сарын 22-ны өдрийн 222 дугаар зарлигаар “Алтан гадас” одонгоор Хэнтий аймгийн ахмад барилгачин Навааны Зоригтбаатар, Балжиннямын Очирмөнх нар энгэрээ мялаалаа. Шагналыг УИХ-ын гишүүн Ц.Идэрбат гардуулан өгч, баяр хүргэлээ.
М.Түвшинжаргал нь ажил хөдөлмөрийн гараагаа 1964 онд эхэлж 1964-1970 онд Бэрхийн уурхайн Артельд Мастер, 1970-1980 онд Бэрхийн Ахуйн үйлчилгээний салбарт Нягтлан бодогч, 1980-1994 онд Бэрхийн Нийтийн ахуйн үйлчилгээний салбарын даргаар ажиллаж байгаад гавьяаныхаа амралтад гарсан байна.
Тэрээр Бэрхийн уурхайн Ахуйн Үйлчилгээний салбарт тасралтгүй 30 жил хөдөлмөрлөхдөө тойргийн Норовлин, Батноров, Баян-Овоо, Дадал сумдад Ахуйн Үйлчилгээний бүх салбаруудыг нээж явуулын үйлчилгээгээр тасралтгүй удирдлагаар хангаж ирсний үр дүнд тус Ахуйн Үйлчилгээний салбар нь аймагтаа тогтмол 1, 2-р байр, Улсад 2-р байрыг хоёр удаа эзэлж байв. Мөн залуу үеийг халамжлан хүмүүжүүлж Волейболын спортыг хөгжүүлэхэд хувь нэмрээ оруулж “З.Лувсандорж агсны” нэрэмжит тэмцээнийг нээлттэйгээр Улсын хэмжээнд тасралтгүй 14-н удаа амжилттай зохион байгуулжээ.
Харин Н.Зоригтбаатар нь Хэнтий аймгийн Барилга конторт 1966 оноос, Б.Очирмөнх нь 1976 оноос ажиллаж, хожим Хэнтий аймгийн “Суварга эв” ХХК, “Эвт түмэн нөхөрлөл” ХХК-д ажиллан салбартаа 50 шахам жил хөдөлмөрлөсөн ахмад барилгачид юм.
ШИНЭ МЭДЭЭ
![](http://img.youtube.com/vi/A3S8rxNXEx4/hqdefault.jpg)
Ц.Идэрбат: Сонгуулийн дүн бол туйлын чухал
2023.12.22
![](https://vip76.mn/media/news/106x106/2023/12/11/ba5fa07c188dddeb902eb201932831a9.jpg)
![](https://vip76.mn/media/news/106x106/2023/12/11/c39ac684a35578456e746a613e86c820.jpg)
“ОЮУНЛАГ ХЭНТИЙ-ӨЛЗИЙТ” УУЛЗАЛТ БОЛЛОО
2023.12.10
![](https://vip76.mn/media/news/106x106/2023/12/08/7649b0785feea6895f10e7ead22c1c10.jpg)
![](http://img.youtube.com/vi/M3pxTVOaE2E/hqdefault.jpg)
Ц.Идэрбат: Хивгийг манай улс экспортлох уу?
2023.12.01
![](https://vip76.mn/media/news/106x106/2023/11/20/04042194c3834b3ca7dc0e36445d226b.jpg)
“СУМЫН СЭРГЭЛТ” ХӨГЖЛИЙН ФОРУМ БОЛЛОО
2023.11.20
![](http://img.youtube.com/vi/TDGdCSmWojk/hqdefault.jpg)
![](https://vip76.mn/media/news/106x106/2023/10/25/98f0523b6daa4bef46337b4310d81f56.jpg)