2024.03.19
Үйлдвэр, Хөдөө Аж Ахуй, Хүнс
ЭМЭЭЛТ ДЭХ МАХНЫ ҮЙЛДВЭРИЙН ҮЙЛ АЖИЛЛАГААГ ТҮР ЗОГСООВ
Эмээлтэд байрлалтай мах боловсруулах үйлдвэрт чанарын шаардлага хангахгүй байж болзошгүй мах бэлтгэж байна гэсэн иргэний мэдээллийн мөрөөр Нийслэлийн мал эмнэлгийн газрын мал эмнэлгийн хяналтын улсын байцаагчид 3 дугаар сарын 17-ны өдөр газар дээр нь ажиллалаа.
Тухайн үйлдвэрийн агуулахад хадгалагдаж байсан мах, махан бүтээгдэхүүний төрөл тус бүрээс дээж авч, дээжийг Нийслэлийн мал эмнэлгийн газрын лабораторид хүргүүлэн, үйлдвэрийг лацдан битүүмжилж, үйл ажиллагааг нь түр зогсоогоод байна.
Тус үйлдвэрт хяналт, шалгалтын ажлыг үргэлжлүүлэн ажиллаж байна.
Дашрамд дурдахад ХХААХҮЯ-ны Салбарын хяналтын газар, НМЭГ-ын улсын ахлах байцаагчид хамтран шаардлага хангахгүй 47.64 тн махыг устгах ажлыг энэ сарын эхэнд зохион байгуулж ажиллаад байна.
ШИНЭ МЭДЭЭ
