МОНГОЛ УЛСЫН ИХ ХУРЛЫН ГИШҮҮН

2020.12.10
Улстөр

Б.Баярсайхан: Багийн засаг даргыг орон нутгийн иргэд өөрсдөө сонгох хүсэлтэй байна

УИХ-ын чуулганы өнөөдрийн /2020.12.10/ нэгдсэн хуралдаанаар Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төсөл болон хамт өргөн мэдүүлсэн хууль, Улсын Их Хурлын тогтоолын төслүүдийн анхны хэлэлцүүлгийг хийж байна. 

Хуулийн төслийн хэлэлцүүлгийн үеэр ажлын хэсэг болон байнгын хорооны дүгнэлттэй холбоотойгоор УИХ-ын гишүүд асуулт асууж, санал хэллээ.

УИХ-ын гишүүн Б.Баярсайхан:

Төслийн 58-р зүйлийн 58.4 дэх заалтыг ерөнхийд нь дэмжиж байна. Гэхдээ хөдөө орон нутагт ялангуяа манай Завхан аймаг шиг 24 сумтай, алслагдсан газар нутагтай ийм сумдын хувьд, хөдөө сумдын баг дээр хэрэгжих нөхцөл нь 2024 оноос мөрдсөн ч гэсэн учир дутагдалтай байна.

Ер нь орон нутгийн иргэдээс тавьж байгаа хүсэлт бол багийн Засаг даргаа өөрсдөө сонгодог байя. Орон нутагт улс төржилт гэдэг хэр хэмжээнээсээ хэтрээд, ард түмнийг туйлдуулж байгаа хэцүү цаг үе байна гэдгийг бид ч харж байна, иргэд ч хэлж байна. Тэгэхээр дээд боловсролтой хүн багийн Засаг дарга болно гээд тавиад өгчихөөр 2024 он гэхэд дөнгөж сургууль төгссөн 22, 23-тай хүүхэд очоод багийн Засаг дарга хийх үү?

Багийн Засаг дарга, аймгийн Засаг дарга сумын Засаг дарга гэдэг бол боловсролоос гадна ард түмнийхээ амьдралыг мэддэг, хүний амьдралын жаргал зовлонг мэддэг, орон нутгаа өөд нь татаж чаддаг, хүний төлөө гэсэн сэтгэлтэй хүмүүс байх ёстой юм. Тийм учраас Засаг дарга нарыг томилох зүйл заалт дээр бид нар илүү анхаарах шаардлагатай. Ялангуяа багийн Засаг дарга дээр ямар нэг ажилласан жил юм уу босго тавьж өгөх ёстой юм болов уу. Ийм саналтай байна. Дараа дараагийн хэлэлцүүлэг дээр анхаарна гэж бодож байна. 

ШИНЭ МЭДЭЭ

100 оюутанд цар тахлын үед хэрэглэх эрүүл мэндийн бүтээгдэхүүний багцийг хүргүүлжээ 2020.12.30
Хөдөлмөрийн тухай хуулийн шинэчилсэн найруулгын төслийг ажлын хэсэг үргэлжлүүлэн хэлэлцлээ 2020.12.30
УИХ-ын гишүүн Б.Баярсайханы асуултын дагуу Баян айраг эксплорэйшн ХХК-ийн цианит натри ашиглах зөвшөөрлийг цуцаллаа 2020.12.28
Б.Баярсайхан: Бид хүмүүнлэг иргэний ардчилсан нийгмийг бүтээж байгаа бол хүнлэг иргэнээ бэлтгэх ёстой 2020.12.25
Б.Баярсайхан: Цар тахлын үед хүүхдийн эрхийг насанд хүрсэн хүний эрхээс тусад нь авч үзэж, зохицуулах шаардлагатай 2020.12.24
Б.Баярсайхан: Цахим орчинд хүүхдийн эрхийг хамгаалах хууль батлах шаардлагатай 2020.12.22
Г.Занданшатар: Их, дээд сургуульд тавигдах шаардлагыг өндөрсгөж, их сургуулийн засаглалыг хуулиар зохицуулах шаардлагатай 2020.12.22
Б.Баярсайхан: Төр иргэнээ хамгаалж, элчин сайдын яамдуудын үүргийг нарийвчлан, хариуцлагыг нэмэгдүүлэх шаардлагатай 2020.12.22
Б.Баярсайхан: Монгол ажилтан ур чадвартаа тохирсон адил тэгш цалин авч, хүндлэгдэх ёстой 2020.12.22
Б.Баярсайхан: Хүмүүнлэгийн боловсрол өнөөгийн нийгэмд ус агаар мэт хэрэгтэй байна 2020.12.18
Б.Баярсайхан: Хүүхдээ хүн болгох, хүнээ иргэн болгох ардын ухаанаа сэргээх ёстой 2020.12.18
Б.Баярсайхан: Хүний эрхийг хамгаалах хороо ямар эрх мэдэл, чадвар, чадамжтай байх вэ? 2020.12.17
УИХ-ын гишүүн Б.Баярсайхан Завхан аймгийн Дөрвөлжин сумын нутагт цианид натри асгарсан талаар салбарын сайд нарт асуулт тавилаа 2020.12.17
Соёлын тухайн хуулийн төслийн ажлын хэсгийн бүрэлдэхүүнийг баталлаа 2020.12.16
Ирэх дөрвөн жилийн хугацаанд эрх зүйн орчныг боловсронгуй болгох төслийг хэлэлцлээ 2020.12.16
Хүмүүнлэг боловсролыг дэмжих тухай хуулийг хэлэлцэнэ 2020.12.16
Б.Баярсайхан: Усан доорх соёлын өвийг хамгаалах тухай хуулийг боловсронгуй болгох хуулийн жагсаалтад оруулж өгнө үү 2020.12.16
Б.Баярсайхан: Мэргэжлийн ёс зүйтэй, хүнлэг, ёс жудагтай монгол хүнийг бий болгох бодлого орхигдсон нь үнэн 2020.12.16
Б.Баярсайхан: Авлигатай тэмцэх газар анх байгуулагдсан зорилгодоо хүрч ажиллаж чадаж байгаа юу? 2020.12.11
Цагаан тууз, зөөлөн тоглоомтой чуулган 2020.12.11