Эрдэнэбүрэнгийн усан цахилгаан станц барих ажлын ерөнхий гүйцэтгэгчтэй гэрээ байгуулж, барилга угсралтын ажил эхэллээ
2021.09.22
Эрчим хүч

Эрдэнэбүрэнгийн усан цахилгаан станц барих ажлын ерөнхий гүйцэтгэгчтэй гэрээ байгуулж, барилга угсралтын ажил эхэллээ

Засгийн газрын ээлжит хуралдаан 2021 оны есдүгээр сарын 22-нд болж, Эрдэнэбүрэнгийн усан цахилгаан станц барих ажлыг хэлэлцэн дараах шийдвэр гаргалаа.

 Монгол Улсын Засгийн газрын 2020-2024 оны үйл ажиллагааны хөтөлбөрт тусгагдсан Эрдэнэбүрэнгийн усан цахилгаан станц барих ажлын ерөнхий гүйцэтгэгчтэй байгуулах гэрээнд Эрчим хүчний яам энэ оны есдүгээр сарын 17-нд гарын үсэг зурснаар тус төслийн барилга угсралтын ажил албан ёсоор эхэллээ.

Эрдэнэбүрэнгийн 90МВт-ын суурилагдсан хүчин чадалтай усан цахилгаан станцын барилга угсралтын ажлын гүйцэтгэгчээр “Power construction corporation of China Ltd” болон ‘’Powerchina Chengdu Engineering corporation limited” компанийн түншлэл шалгарч, түлхүүр гардуулах нөхцөлтэй гэрээ байгууллаа.

Гэрээнд гарын үсэг зурж, төслийн ажил эхэлснээр барилгын ажлыг 2022 оны дөрөвдүгээр сард эхлүүлэх, 2026 онд дуусгах, 2027 онд ашиглалтад оруулах төлөвлөгөөтэй байна.

Эрдэнэбүрэнгийн усан цахилгаан станц ашиглалтад орсноор жилд 366 сая кВт.ц цахилгаан эрчим хүч үйлдвэрлэж, баруун болон Алтай, Улиастай эрчим хүчний системд нийлүүлж, тус бүс нутгийн хэрэглэгчдийг цахилгаан эрчим хүчээр хангах юм.

Ховд голын байгалийн тогтцыг өөрчлөхгүйгээр далан барих ажлын хүрээнд хийгдэх долоон метрийн диаметр бүхий урттай түрэлтийн хоолойг уулан дундуур гаргах бөгөөд энэ нь манай улсад хийгдэж байгаагүй бүтээн байгуулалт учраас техникийн хяналтыг олон улсын туршлагатай экспертүүд болон олон талын оролцоотойгоор Монголын тал хариуцан зохион байгуулна.        

Эрдэнэбүрэнгийн усан цахилгаан станц барих төслийн хэрэгжилтийн явцын талаар Эрчим хүчний сайд Н.Тавинбэх Засгийн газрын гишүүдэд танилцууллаа.

ШИНЭ МЭДЭЭ

"Шинэ сэргэлтийн бодлого" батлагдлаа 2021.12.30
Ерөнхий сайд Л.Оюун-Эрдэнэ “Шинэ сэргэлтийн бодлого”-оо танилцуулж, УИХ-ын чуулганд үг хэллээ 2021.12.30
“Шинэ сэргэлтийн бодлого батлах тухай” УИХ-ын тогтоолын төслийг хэлэлцэв 2021.12.30
Ерөнхий сайд Л.Оюун-Эдэнэ 2021 оны онцлох хүүхдүүдийг шагналаа 2021.12.30
Их эзэн Чингис хааны хөшөөнд хүндэтгэл үзүүллээ 2021.12.30
Монгол Улс эдийн засгийн тусгаар тогтнолоо хангах чухал сорилтын өмнө ирлээ 2021.12.29
Их эзэн Чингис хааны хөшөөнд хүндэтгэл үзүүллээ 2021.12.29
“Шинэ сэргэлтийн бодлогo” батлах тухай Монгол Улсын Их Хурлын тогтоолын төслийг өргөн барилаа 2021.12.28
2022 онд “Шинэ хоршоо” хөдөлгөөн өрнүүлнэ 2021.12.28
Ерөнхий сайд Л.Оюун-Эрдэнэ: Эмч, эмнэлгийн ажилтнууд Та бүхний хүчин зүтгэлээр Шинэ сэргэлтийн бодлого хэрэгжүүлэх суурь нөхцөл бүрдлээ 2021.12.28
Оюу толгой ордоос Монгол Улсын хүртэх үр ашгийг хангуулах арга хэмжээний тухай УИХ-ын тогтоолын төслийг хэлэлцэв 2021.12.23
Сар шинийн баяраар төрийн золголт хийхгүй 2021.12.23
2022 оны төсвийн тухай хуулийг хэрэгжүүлэхтэй холбогдуулан дараах арга хэмжээг авч хэрэгжүүлнэ 2021.12.23
Иргэд, аж ахуйн нэгж, байгууллагад чиглэсэн хяналт шалгалтыг 50 хувиар бууруулна 2021.12.14
Хөшигийн хөндийн эдийн засгийн чөлөөт бүс байгуулах тухай тогтоолыг төслийг боловсруулна 2021.12.14
2022 оны эхнээс төрийн хяналт шалгалтыг багасгахыг үүрэг болгов 2021.12.14
ИТХ-ын ажлын алба болон ЗДТГ-ын бүтэц, орон тооны хязгаарыг тогтоов 2021.12.14
Ерөнхий сайд Л.Оюун-Эрдэнэд Рио Тинто”, “Туркойс Хилл Ресурсэс” компаниас албан захидал илгээжээ 2021.12.13
Ерөнхий сайд Л.Оюун-Эрдэнэд "Рио Тинто”, “Туркойс Хилл Ресурсэс” компаниас албан захидал илгээжээ 2021.12.13
Монгол улсын Ерөнхий сайдын илгээлт 2021.12.13