1 дүгээр зүйл.

Эрүүгийн байцаан шийтгэх хуульд доор дурдсан агуулгатай дараах хэсэг нэмсүгэй:

1/26 дугаар зүйлийн 26.1 дэх хэсэг:

 “26.1.Улсын ерөнхий прокурорын дэргэдэх мөрдөн байцаах алба нь  тагнуул, цагдаагийн байгууллагын ажилтан,  хэрэг бүртгэгч,  мөрдөн байцаагч, прокурор, шүүгчийн үйлдсэн хөнгөн гэмт хэрэгт хэрэг бүртгэлт явуулна.”

2/27 дугаар зүйлийн 27.2 дахь хэсэг:.

“27.2.Улсын ерөнхий прокурорын дэргэдэх мөрдөн байцаах алба нь цагдаагийн байгууллагын ажилтан,  хэрэг бүртгэгч,  мөрдөн байцаагч, прокурор, шүүгчийн болон энэ хуулийн 27.1-т зааснаас бусад тагнуулын байгууллагын ажилтны үйлдсэн хүндэвтэр, хүнд, онц хүнд гэмт хэрэгт  мөрдөн байцаалт явуулна.”

2 дугаар зүйл..

Эрүүгийн байцаан шийтгэх хуулийн 26 дугаар зүйлийн 26.2 дахь хэсгийн “Эрүүгийн хуулийн” гэсний дараа “268/Хээл хахууль авах/, 269/Хээл хахууль өгөх/,” гэж, мөн зүйлийн 26.3 дахь хэсгийн “хуулийн” гэсний дараа “26.1,” гэж, мөн хуулийн 27 дугаар зүйлийн 27.4 дэх хэсгийн “27.1,” гэсний дараа “27.2,” гэж тус тус нэмсүгэй.

3 дугаар зүйл.

Эрүүгийн байцаан шийтгэх хуулийн 26 дугаар зүйлийн 26.2 дахь хэсгийн “дугаар” гэснийг “дүгээр” гэж, 27 дугаар зүйлийн 27.3 дахь хэсгийн “дүгээр” гэснийг “дугаар” гэж тус тус өөрчилсүгэй.

4 дүгээр зүйл.

Эрүүгийн байцаан шийтгэх хуулийн 26 дугаар зүйлийн 26.2 дахь хэсгийн “263.1. /Төрийн албан тушаалтан албаны эрх мэдэл буюу албан тушаалын байдлаа урвуулах/, 264.1./Төрийн албан тушаалтан эрх мэдлээ хэтрүүлэх/, 265.1./Төрийн бус байгууллага, аж ахуйн нэгжийн албан тушаалтан эрх мэдлээ урвуулах/,266.1./Төрийн бус байгууллага, аж ахуйн нэгжийн албан тушаалтан эрх мэдлээ хэтрүүлэх/,”, “273.1./Төсвийн хөрөнгийг зориулалтын бусаар зарцуулах/” гэснийг, 27 дугаар зүйлийн 27.3 дахь хэсгийн “263.2./Төрийн албан тушаалтан албаны эрх мэдэл буюу албан тушаалын байдлаа урвуулах/, 264.2./Төрийн албан тушаалтан эрх мэдлээ хэтрүүлэх/, 265.2/Төрийн бус байгууллага, аж ахуйн нэгжийн албан тушаалтан эрх мэдлээ урвуулах/, 266.2./Төрийн бус байгууллага, аж ахуйн нэгжийн албан тушаалтан эрх мэдлээ хэтрүүлэх/,”, “, 270¹/Хууль бусаар хөрөнгөжих/, 273.2./Төсвийн хөрөнгийг зориулалтын бусаар зарцуулах/”, “зүйл болон өөрсдөө илрүүлсэн Эрүүгийн хуулийн 166¹/Мөнгө угаах/дүгээр” гэснийг тус тус хассугай.

5 дугаар зүйл.

Энэ хуулийг 2015 оны ... дугаар сарын ...-ны өдрөөс эхлэн дагаж мөрдөнө.