Л.Оюун-Эрдэнэ 2018.12.05 | МН25 ТВ

Л.Оюун-Эрдэнэ: УИХ-ын даргыг огцортол бойкотоо үргэлжлүүлнэ

УИХ-ын нэр бүхий гишүүд УИХ-ын дарга М.Энхболдыг огцор хэмээн шаардаж бойкот хийгээд байгаа билээ. Энэ талаар УИХ-ын гишүүн Л.Оюун-Эрдэнэ тодруулга өгчээ.

Л.Оюун-Эрдэнэ: УИХ-ын дарга М.Энхболдыг хурал удирдсан тохиолдолд бойкот үргэлжилнэ. УИХ-ыг худардах ёс зүйн эрхгүй гэж бид үзсэн. Өөрөө хурал удирдахгүй гэсэн учир бид Засгийн газрын тухай хэлэлцсэн хуралдаанд оролцсон. Өөрөө бидэнд албан бичиг ирүүлсэн. Бойкот үргэлжилнэ. Эрдэнэтийн 49 хувьтай холбоотой асуудал яригдаж, УИХ-аар тогтоол гарахын өмнөхөн Ц.Элбэгдорж орж ирээд "Та нар хүний адууг булааж авч байгаа юм уу?" гэж хэлж байсныг санаж байна. Өчигдөр ч мөн тэр байдлаа илэрхийлж байсан. МАНАН гэдэг пирамидын оргил дээр байгаа хүмүүс гарч ирж байгаа нь энэ бүлэглэл унах цаг болжээ гэж харж байна. УИХ-ын даргыг оноос өмнө огцрох ёстой гэдэг хатуу байр суурьтай байна.