Өчигдрийн (2025.03.26) Боловсрол, соёл, шинжлэх ухаан, спортын байнгын хорооны хурлаар Боловсролын зээлийн сангийн үйл ажиллагаа, журмын биелэлтэд хяналт шалгалт хийх, холбогдох санал, дүгнэлт гаргах, шийдвэрийн төсөл боловсруулах үүрэг бүхий ажлын хэсгийн санал, дүгнэлтийг хэлэлцэв

Энэ үеэр УИХ-ын гишүүн Д.Рэгдэл УИХ-ын О.Батнайрамдлын баг маш сайн ажилласныг онцлоод их сургуулийн бакалаврын түвшинд зонхилон тэтгэлэг олгодог, түүнээс дээш зээлээр суралцдаг байх зарчмыг  дэмжиж буйгаа илэрхийллээ. Мөн дээд боловсролын чанарыг хэрхэн сайжруулах талаар бус ОУ-ын зэрэглэлд багтах тухай л ярьдаг болсонд шүүмжлэлтэй хандаж байлаа. ОУ-ын зэрэглэл тогтоодог явдлаас дэлхий нийт татгалзах шинжтэй байгаа шүү гэжээ.